Samfélagsmiðlar

Fargjöldin ennþá á niðurleið

Fjölgun flugferða yfir Norður-Atlantshafið hefur neikvæð áhrif á verðþróunina hjá Norwegian. Það er vísbending um að sama sé upp á teningnum hjá Icelandair og WOW air.

norwegian velar860

Þotueldsneyti kostar meira en helmingi meira í dag en fyrir ári síðan og þrátt fyrir hversu þungt kaup á olíu vega í rekstri flugfélaga þá virðast fargjöldin ekki vera á uppleið. Alla vega ekki hjá Norwegian sem hefur, ásamt WOW air, leitt útrás evrópskra lággjaldaflugfélaga í áætlunarflugi milli Evrópu og Norður-Ameríku. Í september lækkuðu meðalfargjöldin hjá Norwegian um þrjú prósent samkvæmt uppgjöri félagsins sem birt var í morgun. Þetta er vísbending um hver þróunn hefur verið hjá WOW og jafnvel Icelandair líka. Í mánaðarlegum uppgjörum íslensku félaganna er þó ekki að finna neinar upplýsingar um verðþróun öfugt við það sem tíðkast hjá skandinavísku flugfélögunum SAS og Norwegian.

Annað flugfélag sem var að hasla sér völl í lággjaldaflugi yfir Atlantshafið var Primera air. Flugfélagið sem var í eigu Andra Más Ingólfssonar fór hins vegar í þrot í byrjun vikunnar. Í tilkynningu sem stjórn flugfélagsins sendi frá sér kom einmitt fram að fargjaldaþróunn hefði verið óhagstæð á sama tíma og olíuverð fór hækkandi.

Þess má geta að forsvarsmenn Norwegian hafa viðurkennt að þeir hafi verið of seinir til að verja sig gagnvart hækkunum á olíuverði. WOW air er ennþá óvarið en félagið mun vera leggja drög að breyttri stefnu í þeim málum.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …