Samfélagsmiðlar

Ferðaskrifstofur Andra Más skipta um nafn

Heiti eiganda norrænu ferðaskrifstofanna sem tilheyrðu Primera Travel Group hefur verið breytt. Óljóst hvaða áhrif þetta hefur á eignarhaldið á Heimsferðum.

Samkvæmt línunni neðst á forsíðu heimasíðu TravelCo Nordic þá tilheyra Heimsferðir fyrirtækinu en ekki samkvæmt listanum sem birtist í efra horni hægra megin.

Ferðaskrifstofurnar Bravo tours í Danmörku og Solresor í Svíþjóð eru hluti af Primera Travel Group sem Andri Már Ingólfsson á. Báðar tilheyrðu þær danska dótturfélaginu Primera Travel A/S en heiti þess fyrirtækis hefur núna verið breytt í TravelCo Nordic samkvæmt því sem fram kemur á heimasíðum ferðaskrifstofanna. Þetta kemur einnig fram á nýrri heimasíðu TravelCo Nordic en sú var sett í loftið í vikunni. Í samtali við Túrista, segir Peder Hornshøj, framkvæmdastjóri fyrirtækisins, að tilgangurinn með nafnbreytingunni sé að aðgreina ferðaskrifstofunnar frá flugfélaginu, Primera air, sem varð gjaldþrota í þarsíðustu viku en tilheyrði áður fyrirtækjasamsteypu Andra Más. Ferðaskrifstofur Primera Travel Group í Noregi og Finnlandi eru líka sagðar dótturfyrirtæki hins nýnefnda danska fyrirtækis á heimasíðu þess.

Hornshøj vísar á Andra Má Ingólfsson varðandi þá spurningu hvort íslensku ferðaskrifstofunnar Heimsferðir og Terra Nova heyri líka undir TravelCo Nordic. Framsetning á því er nefnilega óskýr á nýju heimasíðunni eins og sjá má á myndinni hér fyrir ofan. Á einum stað eru Heimsferðir og Terra Nova ekki hluti af upptalningu á dótturfélögum TravelCo Nordic en svo koma nöfn þeirra fyrir annars staðar á síðunni. Andri Már, segir í svari við fyrirspurn Túrista, að fréttatilkynning um þessar breytingar verði send út á mánudag.

Líkt og Túristi greindi frá í fyrradag þá voru Heimsferðir í ábyrgð upp á nærri 1,7 milljarð króna fyrir Primera air. Tómas J. Gestsson, forstjóri Heimsferða, segir þessa ábyrgð ekki lengur til staðar en hefur ekki svarað spurningunni um hvernig á því stendur.


Uppfært: Eins og fram kom í fréttinni þá var það ætlun Andra Más að senda út fréttatilkynning á mánudag um þetta mál. Hann flýtti því hins vegar eftir að Túristi spurði hann um stöðu mála.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …