Samfélagsmiðlar

Forsvarsmenn Primera air yfirlýsingaglaðir fram á síðustu stundu

Það hefur hins vegar ekki verið neinn uppgjafatónn í eiganda og stjórnendum Primera Air síðustu vikur og mánuði. Á morgun verður félagið hins vegar lýst gjaldþrota.

„Þetta er stærsta tækni­breyt­ing í flug­brans­an­um í tutt­ugu ár. Við get­um flogið miklu lengra og miklu hag­kvæm­ara. Það er for­senda þess að við get­um gert þetta og við erum lán­söm að vera á rétt­um stað á rétt­um tíma.“ Þetta sagði Andri Már Ingólfsson, eigandi Pri­mera air í viðtali við Morgunblaðið í lok ágúst. Þá hafði flugfélagið nýverið hafið áætlunarflug frá London og París til Norður-Ameríku.

Sömu viku og Moggaviðtalið birtist hóf Primera air sölu á Ameríkuflugi frá Berlín og  Brussel. Í september var tilkynnt um samskonar ferðir frá Frankfurt og Madríd og var sala á sætum í þeir hafin. Stjórnendur félagsins viðruðu líka nýverið hugmyndir um innanlandsflug í Danmörku.

Þeir farþegar sem keyptu sér sæti á þessum nýju flugleiðum Primera air og þeim sem fyrir voru komast þó ekki í loftið því á morgun fer flugfélagið í greiðslustöðvun. Í yfirlýsingu sem stjórn þess sendi frá sér seinnipartinn í dag segir að ákvörðunin hafi verið tekin í ljósi þungbærra áfalla á síðasta ári. Félagið hafi misst flugvél úr flotanum vegna tæringar, sem hafi kostað það 1,5 milljarða króna, auk þess sem miklar seinkanir á afhendingu nýrra véla frá Airbus hafi valdið fjárhagslegu tjóni upp á 2 milljarða. Þar að auki hafi verið horft til „síhækkandi olíuverðs, lækkandi farmiðaverðs á öllum mörkuðum, sem og þess að lágmarka óþægindi viðskiptavina félagsins.“

Þrátt fyrir þessi áföll og versnandi aðstæður þá var engan bilbug að finna í forsvarsfólki Primera air og umsvifin voru aukin töluvert síðustu vikur. Á bak við tjöldin var staðan þó erfið því líkt og Túristi greindi frá í gær þá var flugfélagið metið verðlaust í bókum PA Holding sem fór með 84% hlut Andra Más í Primera air. Túristi fékk þó ekki svör við spurningum um hver ástæðan væri fyrir þessu verðmati á flugfélagi sem skilað hafði hagnaði í fyrra, þó aðeins bókhaldslegum, og væri endurtekið að tilkynna um kaup á flugvélum og nýja áfangastaði.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …