Samfélagsmiðlar

Heimsferðir semja við nýtt flugfélag

Primera air, systurfélag Heimsferða, er á leið í þrot og hefur ferðaskrifstofan náð samningum við tékkneskt flugfélag.

Tékkneska flugfélagið Smartwings mun frá og með morgundeginum sjá um flugferðir fyrir Heimsferðir.

Umsvif Primera air hér á landi hafa að mestu snúið að leiguflugi fyrir ferðaskrifstofur og þá aðallega Heimsferðir. En bæði flugfélagið og ferðaskrifstofan eru hluti af Primera Travel Group samstæðunni sem eru í eigu Andra Más Ingólfssonar. Fall Primera air mun þó ekki hafa áhrif á ferðir Heimsferða og annarra íslenskra ferðaskrifstofa sem áttu bókuð sæti fyrir farþega sína hjá flugfélaginu.

Ástæðan er sú að Heimsferðir hafa samið við flugfélagið Smartwings, sem tilheyrir tékkneska fyrirtækinu Travel Service, um flugferðir frá og með morgundeginum. Þess vegna verður engin breyting á flugáætlun ferðaskrifstofunnar í vetur og næsta sumar samkvæmt því sem segir í tilkynningu frá Heimsferðum.

Þar kemur líka fram að þeir farþegar Primera air sem höfðu bókað beint hjá flugfélaginu, en ekki hjá Heimsferðum, verði boðið flug til Íslands á morgun og miðvikudag. Réttur flugfarþega sem bóka flug eitt og sér er nefnilega mun takmarkaðri en þeirra sem bókað hafa flugið sem hluta af pakkaferð. Fyrrnefndi hópurinn á til að mynda ekki rétt á heimferð.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …