Samfélagsmiðlar

18 þúsund krónur fyrir helgarflug til Rómar

Nú verður í fyrsta sinn hægt að fljúga beint héðan til höfuðborgar Ítalíu yfir vetrarmánuðina. Af fargjöldunum að dæma þá er eftirspurnin takmörkuð fyrir þessari nýjung.

Séð yfir Vatíkanið í Róm.

Íslendingar sem sett hafa stefnuna á Ítalíu hafa oftar en ekki þurft að fljúga þangað með viðkomu í öðru Evrópulandi. Framboðið á beinu flugi milli Íslands og Ítalíu hefur nefnilega takmarkast við sumarflug Icelandair og WOW air til Mílanó með örfáum undantekningum. Í vetur er útlitið miklu betra því þotur WOW munu fljúga til Mílanó í allan vetur og Norwegian mun fljúga héðan til Rómar.

Þotur Norwegian leggja í hann frá Keflavíkurflugvelli rétt fyrir hádegi á fimmtudögum og sunnudögum og lenda í ítölsku höfuðborginni seinni partinn. Það er þó ókostur að brottförin frá Róm er í morgunsárið og því þarf að koma sér snemma út á Leonardo di Vinci flugvöllinn. Og það er morgunljóst að þeir sem láta tímasetninguna á heimferðinni ekki aftra sig frá för til Rómar geta komist þangað fyrir lítið. Flugmiðarnir, aðra leiðina, kostar frá 70 evrum (um. 9200 kr.) og fjöldamargar heimferðir á sama verði. Það er því hægt að fljúga til Ítalíu og aftur heim til Íslands á fimmtudegi og heim á sunnudegi fyrir rétt um 18.400 krónur. Hjá Norwegian þarf svo að borga fyrir innritaðan farangur.

Smelltu hér ef þú vilt bera saman tilboð á hótelum í Róm. Það er þó góð regla að skoða alltaf líka hvaða tilboð eru í boði á heimasíðu hótelsins sjálfs.

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …