Samfélagsmiðlar

Hógvær vöxtur hjá Icelandair á næsta ári

Þó sex nýjar þotur bætist við flugflota Icelandair á næsta ári þá er viðbúið að umsvif flugfélagsins verði álíka og í ár.

Stjórnendur Icelandair hafa boðað sókn síðustu haust þegar flugáætlun fyrir komandi ár hefur verið kynnt. Áætlun næsta árs liggur hins vegar ekki ennþá fyrir, líkt og Túristi fjallaði um í gær, en á fundi með fjárfestum í morgun sagði Bogi Nils Bogason, forstjóri Icelandair, að gert væri ráð fyrir hógværum vexti á milli ára. „Það er ýmislegt að gerast í umhverfinu sem við erum að fylgjast með áður en við tökum ákvörðun,“ bætti Bogi við.

Flugáætlun þessa árs var um 11% umfangsmeiri en áætlunin árið 2017 en til samanburðar þá hefur Skúli Mogensen, forstjóri og eigandi WOW, boðað 15% aukningu í ár. Gangi þetta eftir þá er ljóst að bilið á milli Icelandair og WOW air, í flugferðum og farþegum talið, mun minnka umtalsvert á næsta ári. Icelandair tekur þó í notkun sex nýjar Boeing MAX þotur fyrir næsta sumar en sætafjöldinn í þeim er aðeins minni en í hinum hefðbundnu Boeing 757 þotum sem eru uppistaðan í flugflota fyrirtækisins. Að minnsta kosti þrjá þess háttar hverfa úr rekstri Icelandair á næstunni samkvæmt því sem fram kom í máli Boga í morgun.

Líkt og Icelandair tilkynnti í gær þá var hagnaðurinn af rekstrinum á þriðja ársfjórðungi töluvert lægri en á sama tíma í fyrra. Núna nam hagnaðurinn um 7,5 milljörðum króna og skýringuna á versnandi gangi er að aðallega að finna í hærra olíuverði, lægri meðalfargjöldum og lakari sætanýtingu samkvæmt því sem segir í tilkynningu. Vegna þessa þá uppfyllir reksturinn ekki lengur þær kvaðir sem á fyrirtækinu hvíla gagnvart eigendum skuldabréfa í fyrirtækinu. Samningaviðræður standa nú yfir við handhafa bréfanna og hefur Icelandair óskað eftir formlegri undanþágu frá fjárhagslegum skilyrðum skuldabréfanna út nóvember. Tilgangurinn er að fá meiri tíma til að finna langtímalausn á málinu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …