Samfélagsmiðlar

Jólabjórinn kominn í Fríhöfnina en ekki Vínbúðirnar

Sala á jólabjór er hafin í Flugstöð Leifs Eiríkssonar og verðið er í flestum tilfellum óbreytt frá því í fyrrra og hittifyrra.

Fyrstu 8 tegundirnar af jólabjór eru nú komnir í Fríhöfnina í Leifsstöð en sala í Vínbúðunum hefst ekki fyrr en 15.nóvember. Jólaölið stendur flugfarþegum því mun fyrr til boða en öðrum. Þeir sem eru á faraldsfæti borga líka minna fyrir bjórinn en hinir sem halda sig heima næstu vikur. Niðurstöður verðkannana Túrista síðustu tvö ár hafa nefnilega sýnt að almennt er verðið á bjórnum um þriðjungi lægra í Fríhöfninni en í Vínbúðunum. Það er reyndar mismunandi eftir tegundum.

Þeir sem eiga leið um Leifsstöð á næstunni geta tekið með sér kippur af jólaöli og sú ódýrasta, af þeim sem í boði er í dag, er Víking jólabjór en sex stórar dósir af þeirri tegund kosta 1.499 krónur. Það er sama verð og í fyrra. Egils Gull jólabjór er líka seldur í hálfs lítra dósum og sá kostaði það sama og Víking í fyrra og hittifyrra. Nú er kippan af Egils komin upp í 1.559 krónur. Af bjórunum í minni dósum og flöskum þá er Föroya jólabryggj ódýrastur eða á 1.399 krónur sem er hundrað krónum ódýrara en fyrir síðustu og þarsíðustu jól.

Hér er úrvalið af jólabjórum sem fáanlegir eru í Fríhöfninni í ár en síðustu ár hafa fleiri tegundir bæst við þegar líður að jólum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …