Samfélagsmiðlar

Swiss ætlar ekki að hefja Íslandsflug frá Sviss

Svissneskir ferðamenn eyða mestu þegar þeir ferðast um landið þegar litið er til kortaveltu útlendinga hér á landi. Stærsta flugfélag Svisslendinga setur þó ekki stefnuna á Ísland.

Fyrir fjórum árum síðan hóf easyJet að fljúga til Íslands yfir vetrarmánuðina frá bæði Basel og Genf. Áður höfðu flugsamgöngur milli Íslands og Sviss takmarkast við sumarferðir íslensku flugfélaganna. Með áætlunarflugi easyJet þrefaldaðist fjöldi vetrarferðamanna frá Sviss, fór úr rúmum 1600 Svisslendingum í nærri 4800. Sú aukning var vafalítið kærkomin því samantektir Rannsóknarseturs verslunarinnar hafa endurtekið sýnt að meðaleyðsla svissneskra ferðamanna er meiri en annarra þjóða þegar litið er til kreditkortaveltu.

Þessi aukni áhugi Svisslendinga á að fljúga til Íslands var þó ekki nægur fyrir stjórnendur easyJet. Veturinn á eftir skáru þeir niður vetrarflugið frá Genf og drógu úr ferðunum frá Basel. Afleiðingin var sú að fjöldi svissneskra ferðamanna fór niður um 28 prósent þann veturinn. Síðustu tvo vetur hefur fjöldinn farið upp á við á ný og munar þar um að nú flýgur Icelandair allt árið til Zurich.

Í ljósi þess hve mikil lyftistöng það var fyrir íslenska ferðaþjónustu þegar easyJet hóf vetrarflug hingað frá Sviss þá má gera ráð fyrir að tilkoma Swiss, stærsta flugfélagsins þar í landi, inn á íslenska markaðinn myndi fjölga hinum verðmætu svissnesku ferðamönnum hér ennþá meira. Á því verður þó einhver bið því samkvæmt svari Stefan Visic, talsmanni Swiss, þá er félagið sífellt að skoða nýjar flugleiðir en áætlunarflug til Íslands er þó ekki í kortunum.

Swiss er hluti af Lufthansa Group en líkt og Túristi greindi frá nýverið þá hefur Eurowings, eitt af flugfélögunum samsteypunnar, hætt við að fljúga hingað frá Köln í sumar. Og útlit er fyrir að umsvif hins þýska Lufthansa á Keflavíkurflugvelli verði í föstum skorðum.

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …