Samfélagsmiðlar

WOW dregur úr flugi til Miðvesturríkjanna

Þotur íslenska flugfélagsins munu ekki taka stefnuna á St. Louis á nýju ári.

FRÁ ST. LOUIS

Jómfrúarferð WOW air til St. Louis í miðvesturhluta Bandaríkjanna vakti mikla athygli þar í borg í vor. Þetta var nefnilega í fyrsta sinn í 15 ár sem íbúar borgarinnar gátu flogið beint úr heimabyggð til Evrópu. Flugmálayfirvöld og viðskiptaráð borgarinnar fagnaði samgöngubótinni og hétu að veita WOW styrki upp á allt að 800 þúsund dollara, um 92 milljónir króna, ef flugleiðinni yrði haldið úti í að minnsta kosti 2 ár, samkvæmt frétt St. Louis Post-Dispatch.

Nú er ljóst að ekki mun koma til greiðslu á þessum styrk því í tilkynningu sem flugmálayfirvöld í St Louis birtu í gær segir að stjórnendur WOW air hafi ákveðið að hætta flugi til borgarinnar strax eftir áramót. Í tilkynningunni segir að þetta séu vonbrigði í ljósi þess að eftirspurnin eftir fluginu hafi verið mikil meðal íbúa borgarinnar og flugleiðin hafi verið ein sú vinsælasta af þeim sem WOW heldur úti til Miðvesturríkjanna. En auk áætlunarflugs til St. Louis þá fljúga þotur WOW til Chicago, Cleveland, Detroit og Cincinnati sem allar tilheyra þessum hluta Bandaríkjanna.

Af þessum borgum eru Chicago og Detroit þær einu sem eru hluti að vetraráætlun WOW. Ennþá er ekki hægt að bóka flug til Cincinnati né Cleveland næsta sumar en borgirnar bættust báðar við leiðakerfi WOW í ár.

Niðurfelling á ferðum til St Louis er ekki fyrsta breytingin sem WOW air gerir á áætlun sinni eftir að skuldabréfaútboði félagsins lauk fyrir mánuði síðan. Áður hafði verið tilkynnt um vetrarfrí á flugi til San Francisco, Stokkhólms og Edinborgar. Einnig hefur ferðunum til Nýju-Delí verið fækkað og mun sú breyting skrifast á seinkun á afhendingu nýrra breiðþota frá Airbus.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …