Samfélagsmiðlar

Endurnýjun flugflota og uppstokkun á framkvæmdastjórn

Það eru miklar breytingar framundan hjá Flugfélaginu Atlanta.

Hannes Hilmarsson forstjóri Atlanta verður stjórnarformaður félagsins nú um áramót.

Boeing 747 þotur eru stór hluti af flugflota Flugfélagsins Atlanta en þessar svokölluðu jumbó-þotur  eru óðum að hverfa úr háloftunum. Ekkert af stóru bandarísku flugfélögunum notar þær lengur og forsvarsmenn British Airways gera ráð fyrir að hætta að fljúga þeim innan nokkurra ára. Boeing flugvélaframleiðandinn hefur líka gefið út að breiðþoturnar verði hér eftir aðeins framleiddar undir fraktflutninga. Og nokkrar þess háttar rekur Atlanta í dag sem samtals er félagið með 13 jumbó-þotur á skrá hjá Samgöngustofu. Flugvélarnar eru framleiddar eru á árunum 1990 til 2004 og sumar því komnar til ára sinna.

Nú er hins vegar kominn tími á endurnýjun flotans samkvæmt tilkynningu sem flugfélagið sendi frá sér í dag. „Fjárhagsleg endurskipulagning og uppbygging á B747-400 flugflota félagsins hefur skilað sér í arðbærum rekstri síðan 2009. Félagið er fjárhagslega sterkt og nú er komið að því að taka næstu skref í sögu þess. Okkar bíður það krefjandi verkefni að endurnýja flugflota Atlanta á næstu árum og þróa enn frekar rekstur Atlanta og systurfélaga þess,“ segir Hannes Hilmarsson, forstjóri Atlanta.

Hannes sem verið hefur verið forstjóri flugfélagsins síðustu 12 ár hættir nú um áramótin og tekur við sem stjórnarformaður. Jafnframt tekur hann við framkvæmdastjórn systurfélagsins Northern Lights Leasing ehf, en það félag heldur utan um flugvélar Atlanta. Um áramótin tekur svo Baldvin Már Hermannsson, núverandi framkvæmdastjóri sölu- og markaðssviðs félagsins, við sem forstjóri af Hannesi. Baldvin hefur starfað hjá Atlanta frá árinu 2001 og m.a. stýrt ýmsum verkefnum félagsins í Evrópu, Asíu, Afríku og mið-Austurlöndum.

Má ekki gegna ábyrgðastöðu hjá tveimur flugfélögum samtímis

Ýmsar fleiri breytingar verða gerðar í framkvæmdastjórn Atlanta og Northern Lights Leasing um áramótin. Þannig snýr Sigurður Magnús Sigurðsson aftur til starfa hjá félaginu líkt og Túristi greindi frá í gær. Sigurður hefur síðustu 3 ár verið framkvæmdastjóri hjá WOW air og ábyrgðamaður flugrekstrar félagsins. Hann tekur við sambærilegri stöðu hjá Atlanta en mun þó fyrst taka við ábyrgð á flugrekstri Atlanta um áramótin. Þangað til sinnir hann því starfi hjá WOW air enda má sami einstaklingurinn ekki gegna ábyrgðarstöðum hjá tveimur flugrekendum samtímis. Hann þarf að ljúka starfi sínu á einum stað áður en hann fær heimild til að gegna því hjá öðrum samkvæmt upplýsingum frá Samgöngustofu. WOW air verður því að finna nýjan flugrekstrarstjóra fyrir áramótin en til stendur að auglýsa stöðuna bæði hér heima og erlendis.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …