Samfélagsmiðlar

Hræódýrir flugmiðar til London eftir áramót

Flugfarið sjálft getur verið einn ódýrasti hluti utanlandsferðarinnar ef stefnan er sett á höfuðborg Bretlands.

london Jethro Stebbings

Frá London.

Það kostar þig allt að 3 þúsund krónur að kaupa miða í rútu út á Keflavíkurflugvöll og léttur morgunmatur í Leifsstöð og kostar álíka mikið. Hins vegar kostar það þig aðeins um 2.700 krónur að fljúga með annað hvort easyJet eða Wizz air til Luton flugvallar, skammt frá London, í janúar. Heimferðin kostar það sama í mörgum tilfellum en ef þú vilt taka með þér farangur eða setjast í sætin fremst í þotum þessara lággjaldaflugfélaga þá tvöfaldast og jafnvel þrefaldast fargjaldið.

Þessi merkilega lágu fargjöld til London í janúar eru enn eitt dæmið um hversu ódýrt millilandaflugið héðan getur verið þrátt fyrir að forsvarsmenn flugfélaganna endurtaki það í sífellu að farmiðarnir þurfi að vera dýrari til að vega upp á móti miklum hækkunum á þotueldsneyti síðustu misseri. Ein skýring á þessari verðlagningu á Íslandsflugi Wizz air og easyJet er sú að félögin eru í harðri samkeppni innbyrðis á Luton flugvelli en líka um farþega sem kjósa að fljúga frá hinum flugvöllunum hringinn í kringum London til Íslands. Í heildina eru nefnilega farnar um áttatíu ferðir í viku héðan til London og svo tíðar samgöngur eru ekki í boði til nokkurrar annarrar borgar.

Þú getur nýtt þér leitarvél Momondo til að gera einfaldan verðsamanburð á fluginu til London og í einhverjum tilvikum getur verið ódýrara að fljúga með einu félagi út og öðru heim og jafnvel frá öðrum flugvelli. Við komuna til Keflavíkurflugvallar þá ferðu svo kannski létt með að eyða nokkru meira í Fríhöfninni en þú borgaðir fyrir millilandaflugið.

Smelltu til að bera saman verð á hótelum í London

 

 

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …