Samfélagsmiðlar

Rússar slaka á kröfum en halda flugleiðinni áfram lokaðri

Ef íslensk flugfélög fá einn daginn leyfi til að fljúga stystu leiðina til Kína eða Japan þá þurfa þau ekki á sama tíma að hefja áætlunarflug til Rússlands.

Frá Moskvu.

Hvorki Icelandair né WOW air geta í dag boðið upp á áætlunarflug til Kína eða Japan þar sem rússnesk og íslensk stjórnvöld hafa ekki náð samkomulagi um flug íslenskra flugfélaga yfir Síberíu. Þar með komast íslensku flugfélögin ekki stystu leiðina til þeirra markaða í Asíu sem almennt eru taldir stærstir fyrir evrópsk flugfélög.

Lítið hefur miðað í samkomulags átt í þessum málum en á fundi íslenskra og rússneskra stjórnvalda í Moskvu í síðustu viku, um tvíhliða viðskipti landanna, kom fram að rússnesk stjórnvöld gera ekki lengur kröfu um að íslenskir flugrekendur sem ætla að nota Síberíuflugleiðina haldi jafnframt upp beinu áætlunarflugi til áfangastaðar í Rússlandi.

Þar með er ljóst að ef stjórnendur íslensks flugfélags sjá tækifæri í áætlunarflugi til Japan eða Kína þá þurfa þeir ekki á sama tíma að leggja drög að reglulegum ferðum til Moskvu eða annarra rússneskra borga. Icelandair hélt um tíma úti ferðum til Sankti Pétursborgar um tíma en núna takmarkast flugsamgöngur milli Íslands og Rússlands við sumarflug S7 hingað frá Moskvu.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …