Samfélagsmiðlar

Töluverð óvissa um kaup Icelandair á WOW

Sameining íslensku flugfélaganna gæti orðið ein sú flóknasta í Íslandssögunni að mati sérfræðinga Landsbankans. Margt þarf að ganga upp til að kaup Icelandair á WOW verði að raunveruleika segir í úttekt bankans.

icelandair wow

Samkeppniseftirlitið, hluthafar Icelandair og stjórnendur eru nú með kaup Icelandair á WOW til skoðunar. Hvort sem af kaupum verður eða ekki þá telja sérfræðingar hagfræðideildar Landsbankans að framboð á flugi félaganna tveggja muni dragast saman næstu 12 mánuði. Þetta kemur fram í úttekt bankans sem birt var í dag.

Trú sérfræðinga Landsbankans á áframhald rekstrar WOW, ef ekki verður af kaupum Icelandair, er lítil. Segja þeir að ef yfirtakan gangi ekki í gegn þá virðist það óumflýjanlegt að WOW hætti rekstri nema að annar kaupandi að félaginu komi til. „Ef af kaupunum verður, eru að okkar mati litlar líkur á að félögin verði rekin í sitt hvoru lagi, a.m.k. ekki lengi,” segir jafnfram í álitinu og rökin eru þau að lítil aðgreiningin sé á milli félaganna þegar horft er til þjónustu og fargjalda.

Þetta er í takt við það sem fleiri hafa haldið fram en gengur þvert á yfirlýsingar forstjóra Icelandair og WOW. Í bréfi til starfsmanna WOW lofaði Skúli Mogensen, forstjóri og eigandi WOW, að félagið yrði rekið sjálfstætt sem hluti af Icelandair samstæðunni. Fækkun starfsfólks er hins vegar í pípunum að mati Landsbankans.

Sem fyrr segir er yfirtaka Icelandair nú á borði Samkeppniseftirlitsins og ekki er vitað hvort ákvörðun þess liggi fyrir áður en hluthafafundur Icelandair um hlutafjáraukningu, m.a. í tengslum við kaupin á WOW, verður haldinn þann 30. nóvember.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …