Samfélagsmiðlar

WOW air stendur á eigin fótum

Á meðan kaup Icelandair á WOW air eru til skoðunar þá þarf rekstur flugfélagsins að standa undir sér. Fyrirtækið hefur ekki samið um sölu og endurleigu á farþegaþotum líkt og fréttir herma.

wow skuli airbus

Skúli Mogensen er eini eigandi WOW og líka eigandi víkjandi lánsins sem er virði 1,8% hlutafjár í Icelandair Group.

„Það er óheppilegt að reka fyrirtæki í óvissu,“ sagði Bogi Nils Bogason, forstjóri Icelandair Group, í viðtali við Kastljós Rúv í gærkvöld. Vísaði hann þar til stöðu WOW air en kaup Icelandair Group á flugfélaginu, sem kynnt voru í fyrradag, eru nú til skoðunar hjá Samkeppniseftirlitinu. Bogi Nils sagði það heppilegast að niðurstaða eftirlitsins yrði birt fyrir mánaðarmót. Aðspurður um hvað myndi gerast ef WOW air yrði ógjaldfært í lok þessa mánaðar þá sagði Bogi það væri hlutverk Samgöngustofu að grípa inn og hafa eftirlit með rekstrarhæfi flugrekenda. Hann ítrekaði þó að að væri ekki skilyrði í kaupsamningnum að niðurstaða Samkeppniseftirlitisins lægi fyrir í lok nóvember.

Engin flugvélaviðskipti upp á 3 milljarða

Kaup Icelandair á WOW air eru ekki aðeins gerð með fyrirvara um samþykki Samkeppniseftirlitsins heldur líka hluthafafundar Icelandair Group og niðurstöðu áreiðanleikakönnunar. Í tölvupósti til starfsmanna á mánudag sagði Skúli Mogensen, forstjóri og eigandi WOW air, að hann gerði ráð fyrir að ferlið gæti tekið rúmar þrjár vikur. Biðin gæti þó orðið nokkru lengri því tímafrestur Samkeppniseftirlitsins er rúmur og eins þarf að boða til hluthafafundar hjá Icelandair með þriggja vikna fyrirvara en það hefur ennþá ekki verið gert.

Vegna meintrar veikrar stöðu WOW hefur verið uppi orðrómur um að Arion banki verði bakhjarl flugfélagsins þangað til að kaup Icelandair eru í höfn. Heimildir Túrista herma hins vegar að WOW air standi á eigin fótum. Eins mun það ekki vera rétt, sem fram kemur í Markaðnum í dag, að WOW air hafi nýverið samið um sölu og endurleigu á farþegaþotum sem skili fyrirtækinu og kröfuhöfum þess þremur milljörðum króna í næstu viku.

Skúli á víkjandi lánið

WOW air hefur hingað til verið sagt alfarið í eigu Skúla Mogensen og það vakti því athygli að talað er um seljendur og hluthafa í fleirtölu í tilkynningunni sem Icelandair sendi frá sér vegna kaupanna á mánudaginn. Hið rétta er hins vegar að Skúli er eigandi alls hlutafjár í WOW air samkvæmt heimildum Túrista. Það er líka hann sem á hið víkjandi lán sem talað er um í tilkynningunni en eigandi þess fær 1,8 prósent hlut í Icelandair Group. Þar með getur hlutur Skúla í Icelandair orðið allt að 6,6 prósent ef kaupin ganga í gegn.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …