Samfélagsmiðlar

Áramótaflug fyrir minna en 30 þúsund krónur

Ef þig langar skyndilega að verja áramótunum í evrópskri höfuðborg þá geturðu flogið til nokkurra fyrir lítið þó stutt sé í brottför.

blys kelley bozarth

Ef þig langar að kveikja á blysi um áramót í útlöndum þá er hægt að komast út fyrir lítið.

Gamlársdagur er á mánudegi og þar með er hægt að fara í fjögurra nótta ferðalag í kringum áramótin án þess þó að ganga á orlofið ef flogið er út um þarnæstu helgi og heim á nýársdag. Og þó nú séu innan við 2 vikur í brottför þá þarf farmiðinn ekki að kosta svo mikið ef stefnan er sett á evrópska höfuðborg eins og þessi dæmi sýna.

Amsterdam
Með Icelandair til Hollands á laugardagsmorgni og heim á nýársdag fyrir 25.774 kr.

Búdapest
Flogið með Wizz Air til Ungverjalands þann 29. desember og heim eldsnemma á nýársdagsmorgun fyrir 18.511 kr.

Edinborg
Þota easyJet leggur í hann sunnudaginn 30. desember og svo haldið til Íslands um kaffileytið á nýársdag. Báðar leiðir 28.599 kr.

London
Út á laugardeginum 29. desember með easyJet og heim á nýársdag með WOW fyrir 17.686 kr.

Berlín
Með Icelandair eða WOW til þýsku höfuðborgarinnar á laugardeginum og heim á nýársdag og farið með báður félögum um 29 þúsund kr.

Dublin
Haldið til írsku borgarinnar með WOW air að morgni laugardags og heim á nýársdag fyrir 27.251 kr.

Ef þig langar heldur eitthvert annað um áramótin þá sérðu hér til hvaða borga verður flogið til í vetur frá Keflavíkurflugvelli. Gistingin gæti hins vegar verið dýrari kantinum en nota má þessa leitarvél til að gera einfaldan samanburð.

 

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …