Samfélagsmiðlar

Aukagjöldin standa undir nærri þriðjungi farþegatekna

Farþegar WOW borga að jafnaði nærri 6 þúsund krónur á hvern fluglegg fyrir allt annað en flugmiðann sjálfan. Vægi þessara tekna er mun lægra hjá Icelandair og líka hjá norska lágfargjaldafélaginu Norwegian.

wow radir

Ef þú bókar ódýrasta fargjaldið hjá WOW air þá þarftu að borga aukalega fyrir stærri handfarangur, innritaðar töskur, val á sæti og allar veitingar. Þessi verðstefna WOW er í takt við það sem lágfargjaldaflugfélög og reyndar mörg hefðbundin flugfélög fylgja í dag. WOW er þó eitt fárra flugfélaga sem takmarkar þyngd og stærð handfarangurs eins strangt og raun ber vitni. Eins er bókunargjald félagsins í hærri kantinum því 999 krónur bætast við hverja pöntun sem gerð er.

Tekjur WOW af ofantöldum aukagjöldum, auk þóknana af miðlun á hótelgistingu og bílaleigubílum, námu í heildina 16,6 milljörðum króna á fyrstu níu mánuðum ársins samkvæmt uppgjöri félagsins fyrir tímabilið. Og miðað við uppgefinn farþegafjölda hjá WOW þá hafa farþegar félagsins að jafnaði keypt ofantaldar viðbótarþjónustur fyrir sem nemur 5.939 krónur á hvern fluglegg. Vægi þessara tekna er því 31,7% af farþegatekjum WOW air.

Til samanburðar námu þessar viðbótartekjur 2.226 kr. á hvern farþega hjá Icelandair á sama tímabili eða um 8 prósentum af heildinni. Skýringin á þessum mikla mun er meðal annars sú að inní fargjöldum Icelandair er meira innifalið en hjá WOW air. Þess ber þó að geta að námundun í farþegatölum WOW air veldur skekkju í þessum samanburði og einnig sú staðreynd að tölur fyrir Air Iceland Connect eru hluti af uppgefnum upplýsingum Icelandair.

Í samanburði við lágfargjaldaflugfélögið Norwegian, sem einnig er stórtækt í flugi yfir Atlantshafið, þá er vægi hliðartekna líka mun hærra hjá WOW. Um 15% af tekjur Norwegian, fyrstu níu mánuði ársins, urðu til vegna sölu á öðru en flugmiðum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …