Samfélagsmiðlar

„Íslenskir flugrisar berjast fyrir lífi sínu“

Óróinn á íslenska flugmarkaðinum er tilefni þess að forstjóri SAS fer yfir stöðuna í evrópskum og amerískum fluggeira. Hann telur fleiri gjaldþrot óumflýjanleg.

Rickard Gustafsson, forstjóri SAS.

„Íslenskir flugrisar berjast fyrir lífi sínu: Forstjóri SAS spáir fleiri gjaldþrotum í fluggeiranum.“ Þannig hljómar fyrirsögn danska viðskiptablaðsins Børsen á viðtali við Rickard Gustafsson, forstjóra SAS, sem birtist á föstudag. Þrátt fyrir dramatíska fyrirsögn þá ræðir Gustafsson aldrei stöðu íslensku flugfélaganna beint en segir það nauðsynlegt að flugfélögum í Evrópu fækki og þau sem eftir standa verði sterkari. Ástæðan fyrir þessu kalda mati sænska fortjórans er offramboð á flugsætum, lág fargjöld og hátt eldsneytisverð.

Þó rekstur SAS hafi lengi verið í járnum þá hefur félagið náð vopnum sínum á ný og stefnir í metafkomu í ár. Þá verða sex ár liðin frá því að Gustafsson þurfti að leita hálfgerða nauðarsamninga við starfsfólk félagsins til að halda því á lofti.

Á það er beint í Børsen að í Norður-Ameríku standi fimm stærstu flugfélögin undir 86 prósent af framboðinu á meðan fimm stærstu flugfélögin í Evrópu séu með um 2 af hverjum þremur flugsætum innan álfunnar. Þetta vill Gustafsson meina að hafi haft þau áhrif að bandarísk flugfélög hafi bolmagn til að fjárfesta meira en þau evrópsku og ráði betur við ókyrrðina sem nú ríkir víða. „Við erum ekki komin á þann stað ennþá í Evrópu en við erum á leiðinni þangað. Stærsti munurinn á álfunum tveimur er að samþjöppunin í Evrópu hefur að mestu leyti komið til vegna gjaldþrota en ekki sameininga.“

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …