Samfélagsmiðlar

Lágu fargjöldin kosta sitt

Tekjur WOW air á hvern farþega hafa farið hratt lækkandi síðustu ár. Nú boðar félagið afturhvarf til áranna 2015 og 2016 og það gæti orðið til þess að farmiða verðið hækki á ný.

„Ég segi stundum að kollegar mínir vakni á morgnana og reyni að hækka fargjöld. Ég vakna á morgnana og reyni að lækka fargjöld,“ fullyrti Skúli Mogensen, forstjóri og eigandi WOW air, í viðtali við Morgunvaktina á Rás 1 í lok janúar í ár. Óhætt er að segja að Skúli staðið við stóru orðin því tekjur WOW air á hvern farþega hafa farið ört lækkandi síðustu ár. Árið 2015 námu þær um 22.500 krónum á hvern farþega en lækkuðu um rúmar þúsund krónur árið eftir. Í fyrra voru meðal farþegatekjur ennþá lægri eða um 16.700 krónur og höfðu þá lækkað um 18 prósent á tveimur árum.

Úr hagnaði í tap

Þessi mikla tekjulækkun hefur reynst WOW dýrkeypt. Árin 2015 og 2016 skilaði reksturinn hagnaði en í fyrra nam tap flugfélagsins um 2,4 milljörðum króna. Það ár var þó almennt gott í flugrekstri og bróðurpartur flugfélaga rekinn með hagnaði í fyrra. Í ár hefur staðan á markaðnum versnað og afkoma WOW sömuleiðis. Þar stefnir í aukið tap og miðað við nýbirt níu mánaða uppgjör þá hafa farþegatekjurnar líklega lækkað ennþá meira í ár. Í ljósi stöðu félagsins og umræðunnar um hana á er heldur ekki ólíklegt að töluvert af farmiðunum sem félagið hefur selt fram í tímann hafi farið undir kostnaðarverði.

Auka þúsund krónur hefðu kannski gjörbreytt stöðunni

Að boða lækkandi fargjöld hljómar vel en kostar sitt. Sérstaklega ef kostnaðurinn hækkar á sama tíma eins og raunin er. Í fyrra flugu rúmlega 2,8 milljónir farþega með WOW en meðaltekjur flugfélagsins af þeim voru að jafnaði um 4.700 krónum lægri en af farþegunum sem ferðuðust með félaginu árið á undan. Ef lækkunin í fyrra hefði verið þúsund krónum minni þá hefðu tekjur WOW af farþegaflugi hækkað um nærri þrjá milljarða. Til samanburðar nam tapið árið 2017 um 2,4 milljörðum króna.

Raunveruleikinn ekki þó ekki svona einfaldur og kannski hefði WOW aldrei fengið jafn marga um borð ef farmiðarnir hefðu verið þúsund krónum dýrari. Margt annað getur líka spilað inní. Það er þó engum blöðm um það að fletta að lækkandi farmiðaverð hjá WOW hefur ekki skilað sér í bætri afkomu.

Nú boðar WOW air hins vegar uppstökkun á rekstrinum og Skúli talar um að félagið ætli í sama búning og það var í á árunum 2015 og 2016 þegar það skilaði hagnaði. Þá er líka viðbúið að farmiðarnir hækki svo tekjurnar dugi fyrir kostnaði. Það er alla vega líklegri niðurstaða en að Skúli láti gamlan draum rætast um að fljúga fólki frítt á milli landa.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …