Geta selt lendingarleyfi á Gatwick

Þau flugfélög sem kjósa að hefja áætlunarflug til Heathrow í London eða fjölga ferðum sínum þangað verða að kaupa lendingarleyfi af þeim félögum sem fyrir eru. Ásóknin í þessi leyfi er það mikil að flugrekendur geta fengið nokkra milljarða fyrir staka afgreiðslutíma líkt og sannaðist þegar SAS seldi nokkur „slott“ á Heathrow fyrir nokkrum árum síðan.

Þessi ásókn í Heathrow hefur haft það í för með sér að virði lendingarleyfi á Gatwick flugvelli fer hækkandi. Þrotabú Monarch flugfélagsins fékk til að mynda umtalsvert fé fyrir afgreiðslutíma félagsins á Gatwick og Luton flugvelli. Almennt tíðkast þó ekki að leyfin séu markaðsvara en viðskipti með þau eru heimil í Bretlandi öfugt við það sem gengur og gerist í Evrópu samkvæmt því sem Túristi kemst næst. Oftast er lausum leyfum einfaldlega úthlutað til flugfélaga sem óska eftir þeim.

Icelandair situr á tveimur daglegum lendingarleyfum á Heathrow og er auk þess með nokkur í viku á Gatwick. Þar er WOW air með allt að tvö „slott“ á dag og nú er uppi orðrómur um að félagið hafi selt þau sín til Indigo Partners, bandaríska fyrirtækisins skoðar kaup á íslenska flugfélaginu. Aðspurð um hvort þetta eigi við rök að styðjast þá segir Svanhvít Friðriksdóttir, upplýsingafulltrúi WOW, að félagið muni ekki tjá sig um málið.

Hjá Airport Coordination Limited, sem sér um afgreiðslutíma á fjölda breskra flugvalla, fást þau svör að ekki hafi verið tilkynnt um breytingar á leyfum WOW air en flugfélög geti vissulega selt frá sér leyfi en þá aðeins til annars flugfélags. „WOW getur ekki fært afgreiðslutíma til Indigo Partners þar sem Indigo Partners er ekki flugfélag,“ segir í svarinu.

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.