Samfélagsmiðlar

Óraunhæf framtíðarsýn fyrir WOW

Pistlahöfundar Forbes tímaritsins sér Keflavíkurflugvöll fyrir sér sem tengistöð fyrir flugfélög Indigo Partners. Leiðakerfi flugfélaganna eru þó ekki gerð fyrir stórsókn á markaðinn fyrir flug yfir Atlantshafið.

Þotur þeirra fjögurra flugfélaga sem Indigo Partners á hlut í. WOW gæti orðið það fimmta.

Ef kaup Indigo Partners á WOW air verða að veruleika þá gætu nýir eigendur breytt íslenska lággjaldaflugfélaginu í einskonar gerviflugfélag. Þannig gætu þeir gert farþegum hins bandaríska Frontier að fljúga til Íslands og skipta þar yfir í þotu á vegum ungverska flugfélagsins Wizz air en þó sem farþegar WOW air. Indigo Partners á nefnilega Frontier og fer með stóran hlut í Wizz air. Kaupin á WOW myndu þá vera liður í að tengja saman leiðakerfi flugfélaganna tveggja. Þetta er alla vega tilgáta flugsérfræðingsins Samuel Engel í grein í Forbes tímaritinu.

Hugmyndin um að nýta vörumerkið WOW til að fljúga farþegum milli Evrópu og N-Ameríku með þotum Frontier og Wizz air er áhugaverð. Það verður þó að teljast harla ólíklegt að þessi viðskiptaáætlun sé á borðinu hjá eigendum Indigo Partners. Flækjustigið við að tengja saman flugferðir ólíkra flugfélaga hefur til að mynda lengi staðið í vegi fyrir því að lággjaldaflugfélög bjóði upp á þennan valkost. Hvað þá þegar um er að ræða „últralággjaldaflugfélög“ líkt og stjórnendur Indigo Partners sérhæfa sig í að eiga og reka.

Uppbygging leiðakerfa Frontier og Wizz Air í dag er svo annar þröskuldur. Allar starfstöðvar Wizz air eru í austurhluta Evrópu ef frá eru taldar stöðvarnar í Vínarborg og í Luton skammt frá London. Farþegar Frontier, sem kæmu frá Bandaríkjunum, gætu því nær eingöngu flogið áfram frá Íslandi til borga í Póllandi, Rúmeníu, Ungverjalandi, Bosníu, Slóvakíu eða Úkraínu. Og farþegar Wizz air, frá þessum löndum, hefðu ekki úr miklu að moða ef ferðinni yrði haldið áfram með Frontier flugvél til Bandaríkjanna frá Keflavíkurflugvelli. Þeir gætu þá aðeins flogið til Denver, Orlando, Chicago eða Trenton sem er skammt frá Philadelphia. Frontier er reyndar líka með starfsstöð í Las Vegas en Airbus þotur flugfélagsins drífa ekki þaðan til Íslands.

Það er ósennilegt að markaðurinn fyrir ferðir til Denver sé ýkja stór í Varsjá, Skopje, Búkarest eða Kænugarði. Og þeir eru kannski ekki nógu margir sem sem eru á leið frá Trenton í Bandaríkjunum til Belgrad, Wroclaw, Vilnius eða Timisoara. Ef Indigo ætlar í raun að nýta sér Keflavíkurflugvöll sem tengistöð fyrir Wizz air og Frontier þá þyrftu flugfélögin að opna starfsstöðvar í evrópskum og bandarískum stórborgum líkt og WOW air hefur gert. Það myndi þó hafa í för með sér hækkandi rekstrarkostnað hjá Frontier og Wizz Air og kaupin á WOW myndu því kalla á umtalsverðar fjárfestingar.

Það má líka velta því fyrir sér afhverju Indigo Partners þyrfti á WOW að halda til að halda úti útgerð eins og Forbes lýsir. Evrópskt og bandarískt flugfélag geta í dag boðið upp á tengingar frá Keflavíkurflugvelli jafnvel þó þau eigi ekki hlut í íslensku flugfélagi. Hver raunveruleg sýn Indigo Partners er fyrir WOW air gæti komið í ljós á næstu dögum.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …