Samfélagsmiðlar

Óvenju annasamur jóladagur framundan í Leifsstöð

Flugsamgöngur til og frá landinu liggja ekki lengur niðri 25. desember og að þessu sinni verða í boði fleiri ferðir en áður. Umferðin er þó lítil miðað við það sem þekkist víða annars staðar.

Það var eiginlega séríslensk hefð að gera hlé á öllu millilandaflugi á jóladag. Þennan eina dag ársins var nefnilega lengi vel ekki hægt að fljúga til eða frá landinu jafnvel þó flugvellir í löndunum í kringum okkur hafi verið opnir og flugáætlunin þar fjölbreytt á jóladag sem aðra daga ársins. En með aukinni ásókn erlendra flugfélaga í Íslandsflug þá er þetta ferðahlé á undanhaldi.

Það var breska lággjaldaflugfélagið easyJet sem rauf hefðina fyrir fjórum árum síðan með einni áætlunarferð hingað til lands á jóladag og þá þurfti að ræsa út starfsfólk Keflavíkurflugvallar til að sinna farþegum. Árið eftir var ekkert flug á boðstólum en í hittifyrra og í fyrra voru ferðirnar þrjár.

Í dag verður hins vegar sett nýtt met því þá verður flogið héðan til fimm borga. Strax i morgunsárið kemur hingað þota á vegum Delta frá New York og flýgur hún svo til baka til Bandaríkjanna rétt fyrir klukkan hálf tíu. Í kringum hádegið stendur SAS fyrir ferðum hingað frá Kaupmannahöfn og Ósló og um kaffileytið tekur á loft þota á vegum Lufthansa sem fljúga mun til Frankfurt. Upp úr klukkan níu í kvöld er svo komið að fimmtu og síðasta ferð dagsins. Er það flug Wizz Air til Riga í Lettlandi.

Icelandair og WOW air halda hins vegar í hefðina og gera hlé á sínu áætlunarflugi frá Íslandi á jóladag. Þotur félaganna tveggja sem staddar eru vestanhafs fljúga þó hingað í nótt og lenda i fyrramálið, á öðrum degi jóla.

Ef þoturnar sem lenda hér í dag verða þéttsetnar þá munu um þúsund farþegar lenda hér í dag og sá stóri hópur kallar á ýmis konar þjónustu. Bæði í Leifsstöð og hjá fyrirtækjum í kringum flugstöðina, til að mynda hjá rútufyrirtækjum og bílaleigum. Gera má ráð fyrir að nærri allir farþegarnir séu erlendir ferðamenn en ekki tengifarþegar þar sem valkostirnir fyrir framhaldsflug í dag eru varla til staðar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …