Samfélagsmiðlar

Skúli: Munum ekki tjá okkur

Á meðan viðræður um fjárfestingu Indigo Partners í WOW air eru í gangi þá munu forsvarsmenn fyrirtækjanna ekki ræða stöðuna umfram það sem fram kemur í tilkynningum.

wow gma Friðrik Örn Hjaltested

Nú eru liðnir þrír dagar frá því að Bill Franke og Skúli Mogensen, stjórnendur Indigo Partners og WOW air, sendu frá sér sameiginlega tilkynningu þar sem fram kom að góður gangur væri í viðræðum um mögulega fjárfestingu Indigo Partners í íslenska flugfélaginu. Ekki fást upplýsingar um stöðu mála í dag hvorki hjá Indigo Partners né WOW air. Í svari Skúla Mogensen til Túrista segir að aðilar muni ekki tjá sig umfram það sem þeir senda frá sér á meðan ferlið er í gangi.

Það fást þar með ekki svör við því hvenær stefnt er að því að kynna niðurstöðu viðræðnanna. Af svari Skúla að dæma þá er samningaferlið  þó ennþá í fullum gangi.

Líkt og Túristi greindi frá á miðvikudagskvöld þá gæti Indigo Partners eignast ríflegan meirihluta í WOW air jafnvel þó íslensk og evrópsk lög takmarki fjárfestingu aðila utan EES-svæðisins við minnihluta í íslenskum flugfélögum. Indigo Partners gætu nefnilega búið þannig um hlutina að eignarhald þeirra í WOW air yrði að mestu leyti í  breytanlegum skulda- og hlutabréfum. Félagið hefði þó ekki meirihluta atkvæða í stjórn flugfélagsins.

Í tilkynningu sem WOW air og Indigo Partners sendu frá sér sl. miðvikudag kemur fram að áður en hægt sé að ganga frá kaupunum þá þurfi að liggja fyrir niðurstöður varðandi leiðakerfi WOW air, samninga við flugvélaleigur og skuldabréfaeigendur. Samkvæmt skilmálum skuldabréfanna, sem WOW air gaf út í haust, þá þarf að lágmarki samþykki frá eigendum 66 prósent hlutar af virði skuldabréfanna svo hægt sé að gera á þeim breytingar, til að mynda ef færa á niður virði bréfanna eða fella niður rétt til hlutafjár.

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …