Samfélagsmiðlar

Flugfreyjur og flugþjónar taka við þjórfé

Farþegar Frontier geta nú borgað aukalega fyrir veitingarnar um borð ef þeir eru ánægðir með þjónustuna. Ekki eru allir sáttir við þessa nýjung og samkeppnisaðilar Frontier hafa ekki fylgt fordæminu.

Farþegar Frontier geta nú gefið þjórfé ef þeir eru ánægðir með þjónustuna um borð.

Það er löng hefð fyrir því vestanhafs að viðskiptavinir matsölustaða borgi þjónustufólkinu aukalega fyrir afgreiðsluna. Þess háttar hefur ekki viðgengist í flugvélum jafnvel þó þar þurfi orðið í flestum tilfellum að borga fyrir veitingar. Helsta ástæðan er kannski  sú að löngum hefur verið litið svo á að flugliðar væru fyrst og fremst í farþegarýminu til að gæta öryggis farþega. Afgreiðsla á veitingum væri í raun aukaverkefni sem stéttin sinnir.

Eðli flugfreyjustarfsins horfir þó öðruvísi við stjórnendum lággjaldaflugfélagsins Frontier sem hafa síðustu þrjú ár boðið farþegum að láta fé af hendi rakna til áhafnarinnar þegar greitt er fyrir veitingar og annan varning um borð. Og reglan hefur verið sú að allt sem safnast fer í sameiginlegan sjóð allra flugliða flugfélagsins.

Á þessu varð hins vegar breyting um áramótin og nú er þjórféð eyrnamerkt þeirri flugfreyju eða flugþjóni sem rukkar farþegann fyrir veitingarnar. Haft er eftir talsmanni Frontier, í grein Bloomberg, að þetta sé aðeins valkostur sem boðið er uppá og margir farþegar nýti sér. Engum beri skylda til að bæta við þjórfé. Á það er bent í grein Bloomberg að helstu samkeppnisaðilar Frontier vestanhafs, lággjaldaflugfélögin Spirit og Allegiant, hafi ekki fylgt fordæminu.

Sara Nelsson, formaður verkalýðsfélags flugliða, er heldur ekki hrifin af þjórfé í farþegarýminu. Vill hún meina að stjórnendur Frontier hafi telft fram þessum valkosti á sínum tíma til að draga úr samstöðu meðal flugliða þegar kjarasamningar voru í bígerð. Tveimur árum síðar eru samningarnir ennþá ófrágegnir og í lok síðasta árs greiddi meirihluti flugliða Frontier atkvæði með verkfalli.

Þess má geta að Frontier flugfélagið er í eigu Indigo Group sem nú skoðar kaup á umtalsverðum hlut í WOW air.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …