Það er engum blöðum um það að fletta að snjallsímar eru löngu orðnir mikilvægir ferðafélagar. Ekki bara til að komast í samband við fólkið heima heldur líka til að halda utan um ferðagögn og vísa okkur réttu leiðina. Gott netsamband er þó forsendan fyrir því síminn virki sem skyldi.
Og á mörgum flugvöllum geta farþegar nú fengið aðgang að fríu neti og samkvæmt athugun fyrirtækisins Speedtest þá eru besta netsamband á þessum fimm flugvöllum. Eins og sjá má er enginn þeirra í Evrópu og aðeins til eins þeirra er flogið reglulega frá Íslandi. Það er Seattle í norðvesturhluta Bandaríkjanna en þangað fljúga þotur Icelandair einu sinni til tvisvar á dag.
- Hong Kong International (400 mbps)
- Abu Dhabi International (200 mbps)
- Seattle-Tacoma (103 mbps)
- Dubai International (100 mbps)
- Seoul Incheon (98 mbps)