Samfélagsmiðlar

Nýtt háloftaöl

Þeir sem fljúga með Icelandair á næstunni geta bragðað á nýjum sérbrugguðum bjór á meðan þeir fljúga til og frá landinu.

Snæbjört.

Það kemst enginn bareigandi upp með það lengur að hafa aðeins hefðbundinn lagerbjór á krana. Nú gera viðskiptavinirnir nefnilega kröfu um eitthvað bragðmeira og úrvalið af bjór hefur því gjörbreyst undanfarin áratug. Einstaka flugfélaga hefur áttað sig á þessum breytta smekk og eitt þeirra er Icelandair sem hleypti af stokkunum sínum eigin bjór í lok síðasta vetrar. Sá bar bruggaður af tilefni af komu nýju Boeing 737 MAX þotanna og var styrkleikinn því 7,37%.

Nú er kominn í loftið nýr Icelandair bjór sem kallast Snæbjört og er hún nokkuð mildari en forveri hennar eða rúm 5 prósent. „Við þróun á bjórnum vildum við ná til sem flestra og fengum því „bjórsérfræðinga“ innan Icelandair jafnt sem almenna áhugamenn til liðs við okkur. Niðurstaðan var þessi bragðgóði og mjúki American pale ale sem uppfyllir þarfir flestra bjór drekkandi manna,“ segir Kristján Jóhannesson hjá Icelandair um Snæbjörtu.

Að sögn Kristjáns er almenn ánægja með bjórbruggunina innan fyrirtækisins og stefnt að því að hleypa af stokkunum einum bjór á ári. Þeir verða þó framleiddir í takmörkuðu upplagi og þannig er reiknað með að Snæbjört verði aðeins á boðstólum fram eftir sumri, bæði um borð í þotum félagsins og á Saga Lounge í Leifsstöð. Kostar dósinn þúsund krónur eða aðeins 100 krónum meira en hefðbundi lagerbjórinn sem Icelandair selur líka.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …