Samfélagsmiðlar

Þoturnar verða afhentar á næstunni

Air Canada fær flugvélarnar fjórar sem félagið keypti af WOW air á næstu dögum og vikum.

Fjórar af þotunum í flugflota WOW air eru á kaupleigu og það eru þær sem félagið hefur nú selt til kanadíska flugfélagsins Air Canada. Í tilkynningu sem WOW sendir frá sér 21. desember síðastliðinn segir að þoturnar verði afhentar í janúar og að salan á þeim muni bæta lausafjárstöðu flugfélagsins um einn og hálfan milljarð króna.

Þessar fjórar Airbus A321 þotur eru ekki lengur nýttar í áætlunarflug WOW air og hafa þær staðið á Keflavíkurflugvelli ónotaðar frá í nærri tvær vikur eins og Túristi greindi frá í dag. Í fréttinni kom fram að leitað hefði verið skýringa á þessu hjá félaginu en ekkert svar hefði borist.

Í kjölfar birtingu greinarinnar sendi Svanhvít Friðriksdóttir, upplýsingafulltrúi WOW air, hins vegar svar þar sem segir að vélarnar verði afhentar Air Canada ein af annarri á næstu dögum og vikum. „Það er eðlilegt ferli og samkvæmt áætlun enda að mörgu að huga við sölu og afhendingu flugvéla,“ segir Svanhvít. Ekki fengust upplýsingar um hvaða hlutir það væru sem þyrfti að leysa fyrir afhendingu eða hvort ekki hefði verið hægt að nota þoturnar í áætlunarflug á tímabilinu.

Ein af þotunum fjórum hefur til að mynda verið nýtt í áætlunarflug WOW til Pittsburgh en eins og fram kemur á Vísi þá ætla flugmálayfirvöld þar í borg óska eftir því að WOW endurgreiði styrki upp á um 70 milljónir króna. Styrkurinn var veittur WOW fyrir að halda úti áætlunarflugi til borgarinnar í að minnsta kosti 2 ár. Sá tími rennur út í júní næstkomandi og því ljóst að félagið var nærri búið að standa við sitt þegar áætlunarferðirnar til Pittsburgh voru teknar af dagskrá.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …