Fréttir

Icelandair ólíklega til Indlands

Beint flug milli Íslands og Indlands er ekki lengur í brennidepli hjá stjórnendum íslensku flugfélaganna.

2. febrúar 2019

Frá Nýju Delí MYND: JIRI MOONEN / UNSPLASH

Það kom fram í máli Björgólfs Jóhannssonar, þáverandi forstjóra Icelandair, síðastliðið vor að horft væri til áfangastaða í Indlandi og félagið gæti hafið flug þangað haustið 2019. Eins og staðan er í dag er hins vegar ólíklegt að eitthvað verði úr Indlandsflugi hjá Icelandair í ár. Þetta sagði Bogi Nils Bogason, forstjóra Icelandair, á fundi með blaðamönnum á Mid-Atlantic ferðakaupstefnunni í gær.

Áhugi íslensku flugfélaganna tveggja á ferðum til Indlands hefur því dvínað verulega upp á það síðasta. WOW air kynnti áætlunarflug sitt til Nýju Delí stuttu eftir að Björgólfur opinberaði vilja Icelandair á Indlandsflugi. Í desember fór WOW air svo jómfrúarferð sína til Indlands en lagði flugleiðina niður aðeins sex vikum síðar.

Nú eru plön WOW um áætlunarflug til Asíu komin á ís og eins og fyrr segir þá er ekki útlit fyrir að þotur Icelandair setji stefnuna á heimsálfuna á næstu misserum.

Fréttir

Tugir flugmanna til viðbótar sækja um hjá keppinautnum

Grunnlaun flugmanna Play munu hækka um meira en helming í tveimur launhækkunum nú í vetur. Sú kjarabót kemur í kjölfar þess að Icelandair hefur óskað eftir nýjum flugmönnum í tvígang síðustu misseri.

Fréttir

Tilraunir með vetnisknúinn þotuhreyfil ganga vel

Flugfélagið EasyJet og þotuframleiðandinn Rolls Royce hafa greint frá því að góður árangur hafi náðst í tilraunum með vetnisknúinn þotuhreyfil, sem vonir standa til að eigi eftir að knýja mjóþotur eftir um áratug.

Fréttir

Evrópsk útþynning í baráttu gegn bílamengun

Ráðherraráð Evrópusambandsins féllst ekki á harðar aðgerðir gegn hættulegri örmengun frá bílum sem Framkvæmdastjórnin hafði lagt til. Fulltrúar Dana eru mjög ósáttir og segja brýnt að grípa til aðgerða. Talið er að bílamengun valdi ótímabærum dauðdaga um 300 þúsund Evrópubúa á ári hverju.

Fréttir

8 milljarða tap í ágúst

Það voru um 2,3 milljónir farþega sem nýttu sér flugferðir SAS í ágúst en fargjöld þessa hóps dugðu ekki til standa undir kostnaði því flugfélagið tapaði 638 milljónum sænskra króna í ágúst samkvæmt tilkynningu. Tapið jafngildir 7,9 milljörðum íslenskra króna. SAS hefur notið gjaldþrotaverndar bandarískra dómstóla frá því í júlí í fyrra og verður að … Lesa meira

Fréttir

Nærri þriðji hver flugumferðastjóri veikur

Aflýsa þarf tugum flugferða til og frá Gatwick flugvelli í London næstu daga vegna veikinda meðal flugumferðastjóra. Um 30 prósent þeirra þurfa að halda sig heima næstu daga og er fjöldi þeirra með Covid samkvæmt frétt The Independent. Vegna stöðunnar verður umferðin um flugvöllinn takmörkuð við 800 flugferðir á sólarhring sem þýðir að aflýsa þarf … Lesa meira

Fréttir

Icelandair niður fyrir 60 milljarða króna

Þegar rekstur Icelandair gekk einna best fór markaðsvirði félagsins upp í 192 milljarða en það var í apríl 2016. Í dag er virði félagsins innan við þriðjungur af þeirri upphæð.

Fréttir

Töluverður munur á fargjöldum Icelandair og Play til Salzburg

Það er úr fjölda brottfara að velja fyrir þá sem setja stefnuna á skíðasvæðin í kringum Salzburg í vetur.

Fréttir

Þýska maskínan höktir

Þjóðverjum hefur vegnað vel á efnahagssviðinu síðustu áratugi. Hagkerfi landsins hefur notið þess að framleiðsla á gæðavarningi, flottum bílum og þróuðum tæknibúnaði, hefur verið eftirsótt um heim allan. En nú höktir þýska maskínan af því að hún hefur ekki lengur aðgang að ódýrri orku frá Rússlandi.