Samfélagsmiðlar

Spyr hvort uppfæra þurfi farþegaspá Isavia

Framkvæmdastjóri Samtaka ferðaþjónustunnar segir fækkun ferðamanna í janúar og fréttir af minnkandi framboði á flugi vera áminningu um hversu kvik atvinnugrein ferðaþjónustan er.

Jóhannes Þór Skúlason, framkvæmdastjóri Samtaka ferðaþjónustunnar.

Erlendu ferðafólki hér á fækkaði um 8.514 síðasta mánuði en spá Isavia gerði ráð fyrir rétt rúmlega fjögur hundrað færri ferðamönnum „Það eru vissulega vonbrigði að sjá meiri raunfækkun núna en gert var ráð fyrir í spá Isavia fyrir janúar og áminning um að staða ferðaþjónustufyrirtækja er ekki jafn trygg og sumir vilja halda fram, til dæmis í samhengi við kjarasamninga,“ segir Jóhannes Þór Skúlason, framkvæmdastjóri Samtaka ferðaþjónustunnar, aðspurður þróunina.

„Að auki má svo benda á tvær fréttir sem hafa birst í vikunni sem snúa að minnkuðu flugframboði til Íslands. Annars vegar mögulega enn meiri fækkun í flugvélaflota WOW en talið var og hins vegar gjaldþrots þýska flugfélagsins Germania sem getur haft alvarleg áhrif þar sem félagið hefur þjónað einum af kjarnamörkuðum íslenskrar ferðaþjónustu. Ef við horfum á þetta allt í samhengi má velta fyrir sér hvort ástæða sé til að Isavia uppfæri farþegaspá sína þegar betri upplýsingar liggja fyrir um þau áhrif sem þetta hefur,“ segir Jóhannes Þór.

Að mati framkvæmdastjóra SAF sýna þessi ofantöldu atriði hversu kvik atvinnugrein ferðaþjónustan er og hversu mikilvæg áreiðanleg gögn eru fyrir greinina. „Þá er sama hvort litið er til söfnunar gagna eða úrvinnslu þeirra. Við verðum að leggja jafnvel enn meiri áherslu á þennan þátt en nú þegar hefur verið gert því að fyrirtæki þurfa að hafa sem áreiðanlegust gögn til að byggja áætlanir sínar á. Þó margt gott hafi verið unnið í þeim efnum á síðustu árum er rými til að gera betur.“

Jóhannes undirstrikar þó að hjá SAF hafi ítrekað verið bent á að  fjöldatölurnar einar segja mjög takmarkaða sögu um gang mála. „Það skiptir til dæmis miklu hvernig skipting farþegafjöldans verður eftir markaðssvæðum, þar sem við þekkjum að hegðunarmynstur ferðamanna er mjög ólíkt eftir því hvaðan þeir koma og breytingar á hlutfalli milli markaðssvæða getur því haft mikil áhrif á ólíkar greinar innan ferðaþjónustunnar og afkomu fyrirtækja á mismunandi svæðum á landinu. Þar sjáum við til dæmis í fyrra að fækkun farþega frá Þýskalandi hafði töluverð neikvæð áhrif, ekki síst á landsbyggðinni.“

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …