Samfélagsmiðlar

Sýna ferðaskrifstofum Andra Más áhuga

Við gjaldþrot Primera Air flutti Andri Már Ingólfsson eignarhaldið á ferðskrifstofuveldi sínu til Danmerkur. Fyrirtækið er álitlegur kostur í augum þónokkra.

Fall Primera Air var mikið högg fyrir Primera Travel Group sem nú heitir Travelco Nordic.

Þegar flugfélagið Primera Air varð gjaldþrota í byrjun október voru allar ferðaskrifstofurnar sem tilheyrðu móðurfélagi flugfélagsins, Primera Travel Group, færðar yfir í fyrirtækið Travelco Nordic sem skráð er í Danmörku. Það er að öllu leyti í eigu Andra Más Ingólfssonar líkt og gamla móðurfélagið.

Innan Travelco Nordic eru í dag ferðakrifstofur á öllum fimm Norðurlöndunum og þar á meðal Heimsferðir hér á landi. Og þó hið nýja danska móðurfélag sé ekki til sölu, samkvæmt Peder Hornshøj framkvæmdastjóra, þá hafa fjárfestar borið í það víurnar. „Í framhaldi af gjaldþroti Primera Air þá hafa margir sýnt okkur áhuga og haft samband. Og fyrir kurteisis sakir þá höfum við talað við nokkra. Það er jákvætt að við séum talin spennandi kostur en ég geri ekki ráð fyrir sölu.“

Primera Air sá um að flytja viðskiptavini ferðaskrifstofanna hans Andra Más á suðrænar slóðir og það kallaði því að töluverða uppstökun þegar flugfélag samsteypunnar fór á hausinn. Hornshøj segir að gangurinn sé hins vegar góður núna, salan góð og starfsmennirnir jákvæðir fyrir komandi sumaravertíð.

Eins og Túristi greindi frá þá hafa Heimsferðir skorið niður sumarprógramm sitt því í stað daglegra brottfara frá Keflavíkurflugvelli til sólarstaða þá munu ferðirnar takmarkast við virku dagana og úrvalið af ferðum til Slóveníu og Króatíu því minna en lagt var upp með.

Eins og fram hefur komið tapaði Arion banki um þremur milljörðum króna á gjaldþroti Primera Air.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …