WOW verðleggur sig út af markaðnum

Þýsk flugfélög hafa um árabil haldið úti sumarflugi til Íslands frá Dusseldorf. Þotur Airberlin flugu þaðan mörg sumar í samkeppni við Lufthansa. Það síðarnefnda lét svo Eurowings, dótturfélagi sínu, eftir Íslandsflugið frá Dusseldorf.

Þýska borgin hefur líka verið á sumaráætlun WOW air og þegar mest lét þá flugu rúmlega 25 þúsund farþegar til Íslands frá Dusseldorf frá vori og fram á haust með þremur ólíkum flugfélögum. Síðastliðið sumar heltust hinsvegar þýsku flugfélögin úr lestinni og WOW sat eitt að ferðunum milli Íslands og Dusseldorf. Þá fór farþegafjöldinn fór niður í rúmlega 11 þúsund einstaklinga samkvæmt tölum þýskra flugmálayfirvalda. Þau íslensku veita engar slíkar upplýsingar og hefur Túristi kært þá afstöðu.

Icelandair boðaði komu sín til Dusseldorf síðastliðið haust en seinkaði svo jómfrúarferðinni þar til nú í vor. Borgin verður eini nýi áfangastaðurinn í leiðakerfi félagsins í sumar og útlit var fyrir að íslensku félögin tvö myndu þá eiga í samkeppni um farþega á leiðinni milli Íslands og Dusseldorf.

Af fargjöldunum að dæma þá munu þotur WOW hins vegar ekki fljúga til þýsku borgarinnar í sumar. Nú kostar farið þangað með WOW í sumar um 180 þúsund krónur, báðar leiðir, á meðan ódýrustu miðarnir hjá Icelandair í sumar eru á rétt um 30 þúsund. Svona óeðlileg verðlagning, eins og finna má í bókunarvél WOW í dag, er oftast undanfari niðurfellingar á flugleið. Með háa verðinu er nefnilega komið í veg fyrir að farþegar bóki miða og í framhaldinu er flugleiðin felld niður.

Það stefnir því í annað sumarið í röð þar sem farþegafjöldinn í Íslandsfluginu frá Dusseldorf er um helmingi lægri en í hittifyrra og árin þar á undan.

Ný þota væntanleg til Akureyrar í dag

Seinka varð flugi Niceair frá Kaupmannahöfn til Akureyrar í gær þar sem þotan sem félagið er með á leigu var kyrrsett vegna deilu leigusala og eigenda flugvélarinnar samkvæmt frétt Mbl. Þotunni var svo flogið tómri til Írlands seinnipartinn í gær en farþegar Niceair flugu til Akureyrar með annarri leiguvél. Á morgun er á dagskrá ferð … Lesa meira

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.