Samfélagsmiðlar

9 þotur eftir

Tvær af þeim ellefu þotum sem WOW air er með í flota sínum hafa verið kyrrsettar samkvæmt fréttum. Tvö leigufyrirtæki eiga þær flugvélarnar sem eftir eru.

wow gma Friðrik Örn Hjaltested

Þotan TF-PRO sem flaug með farþega WOW air til Montreal í Kanada í gær var kyrrsett úti að beiðni eiganda flugvélarinnar samkvæmt heimildum Morgunblaðsins. Sami leigusali á jafnframt Airbus þotuna TF-NOW sem WOW framleigði til Flórída í vetur og hefur hún verið nýtt í flug milli Miami og Kúbu. Hún hefur þó verið á jörðu niðri síðan í gær.

Þá eru eftir níu þotur í flota WOW og eru sjö þeirra í eigu Air Lease Corporation og tvær á vegum fyrirtækjanna Tungnaa Aviation Lease og SOG Aviation Lease. Þessi tvö síðarnefndu fyrirtæki eru líklega í eigu sama aðila þar þau eru skráð á sama heimilisfang í Dublin á Írlandi.

Samkvæmt frétt Morgunblaðsins í dag þá er skuld WOW air við Air Lease Corporation komin upp í 1,6 milljarð króna. Ef vanskilin eru þetta mikil í dag má gera ráð fyrir að erfitt gæti reynst fyrir stjórnendur WOW að halda vélunum sjö ef eigandinn kallar eftir þeim. Forsvarsfólk Isavia gæti þó gripið til kyrrsetningar en eins og áður hefur komið fram þá mun vera samkomulag milli Isavia og WOW um að flugfélagið sé alltaf með eina flugvél við Leifsstöð. Og það kann að skýra afhverju WOW þurfti að aflýsa og seinka ferðum til London og Dublin í morgun því þá var félagið bara með sjö þotur á Keflavíkurflugvelli en flugáætlunin gerði ráð fyrir átta morgunflugum. Félagið hefur þá þurft að skilja eina flugvél eftir og því fellt niður ferðir til tveggja borga.

Farþegar sem áttu bókað flug frá Montreal til Íslands komast væntanlega til landsins í dag þar sem annarri þotu á vegum WOW var flogið til Kanada seint í gærkvöld. Sú á að snúa tilbaka klukkan þrjú að íslenskum tíma.

 

 

 

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …