Samfélagsmiðlar

Bann Breta riðlar áætlun Icelandair

MAX þotur Icelandair hafa verið mikið nýttar í áætlunarflug félagsins til Bretlands. Nú hafa yfirvöld þar í landi sett bann við umferð þessara flugvéla.

Bresk yf­ir­völd hafa bannað allt flug þota af gerðinni Boeing 737 MAX 8 í loft­helgi sinni. Það var Mbl.is sem greindi fyrst frá og þar segir að í yf­ir­lýs­ingu breskra flug­mála­yf­ir­valda (CAA) komi fram að um tíma­bundna varúðarráðstöf­un sé að ræða þar sem gögn liggi ekki fyr­ir úr flug­rit­um vél­ar Et­hi­opi­an Air­lines, sem  hrapaði til jarðar á sunnudag. Gef­in hafi verið út fyr­ir­mæli um að eng­in vél af gerðinni Boeing 737 MAX 8 geti lent, tekið á loft eða flogið inn­an breskr­ar loft­helgi.

Þetta bann hefur verulega áhrif á flug Icelandair því félagið hefur nýtt MAX þoturnar umtalsvert í flug til breskra áfangastaða. Þannig fór TF-ICE til London í morgun og átti að fljúga þangað aftur seinnipartinn í dag. TF-ICU flaug bæði til London og Glasgow í gær og þriðja MAX þota Icelandair var í Glasgow í fyrrdag. Áætlun Icelandair gerði ráð fyrir að þessar þotur myndu fljúga áfram til Bretlands næstu daga.

Sumaráætlun Icelandair byggir á því að níu MAX þotur séu í flota félagsins, bæði ef gerðinni MAX 8 og MAX 9. Ljóst er að ef bannið í Bretlandi varir lengi og fleiri lönd fylgja fordæmi Breta þá gengur flugáætlun Icelandair, frá og með vorinu, ólíklega upp eins og staðan er í dag.

Norska flugfélagið Norwegian hefur kyrrsett sínar MAX 8 þotur frá og með deginum í dag en félagið hefur meðal annars nýtt þær í flug til og frá Íslandi. Air Canada flýgur einnig MAX þotum til Íslands frá Toronto og Montreal.

Nýtt efni

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …