Samfélagsmiðlar

Icelandair með sérstök fargjöld fyrir farþega WOW

Í bréfi sem forstjóri Icelandair sendi á starfsfólk flugfélagsins kemur fram að farþegum WOW bjóðist nú farmiða á sérkjörum. Áhöfnum WOW verður jafnframt flogið heim þeim að kostnaðarlausu.

icelandair wow

„Það voru að berast sorgarfréttir fyrir flugstarfsemi og ferðaþjónustu á Íslandi. Við vinnum nú samkvæmt viðbragsáætlun okkar um að aðstoða þá flugfarþega sem á þurfa að halda að komast heim,“ segir í bréfi sem Bogi Nils Bogason, forstjóri Icelandair Group, sendi á starfsmenn flugfélagsins í morgun. Þar segir hann að í ljósi stöðunnar muni reyna mikið á starfsmenn næstu daga.„Nú er tíminn til að sýna okkar bestu hliðar, auðmýkt og skilning á aðstæðum, góða þjónustulund og vinsemd í garð farþega. Viðbragðsáætlun okkar hefur nú verið virkjuð til að aðstoða flugfarþega og áhafnir að komast heim,“ segir Bogi Nils.

Í bréfinu eru kynnt sérstök afsláttarfargjöld á almennu farrými til og frá ákveðnum áfangastöðum í Evrópu og Bandaríkjunum. Verða  þau í boði næstu tvær vikurnar fyrir farþega sem áttu bókað með WOW frá 28.mars til 11. apríl. Allar upplýsingar munu koma fram á sérstakri síðu sem finna má hér.

Farþegar WOW geta jafnframt haft samband við Icelandair í gegnum síma eða samfélagsmiðla og þurfa að framvísa WOW air flugmiða við bókun. Icelandair ætlar einnig að fljúga áhöfnum WOW air heim þeim að kostnaðarlausu.

„Það er áskorun að takast á við þetta verkefni þar sem páskarnir eru framundan og því eru flestar vélar þétt bókaðar á okkar helstu flugleiðum,“ segir Bogi Nils í lok bréfsins sem sent var á starfsmenn Icelandair nú í morgun.

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …