Samfélagsmiðlar

Íslandsflugið verr nýtt

Auðu sætunum í þotunum sem flugu til og frá Keflavíkurflugvelli fjölgaði í síðasta mánuði.

Fyrstu mánuðir ársins er flugfélögunum oftast erfiðir því þá eru færri á ferðinni og fargjöldin almennt lág. Og í nýliðnum febrúar lækkaði sætanýtingin, í flugi til og frá Keflavíkurflugvelli, úr áttatíu prósentum niður í 78 prósent samkvæmt upplýsingum frá Isavia. Fyrir liggur að sætanýtingin hjá WOW air lækkaði um fjögur prósentustig í síðasta mánuði og var 84 prósent og þar liggur megin skýringin á lægri nýtingu í öllu flugi til og frá landinu. Hjá Icelandair hækkaði nýtingin hins vegar lítillega eða upp í 75,6 prósent en flugfélögin tvö stóðu undir nærri 7 af hverjum 10 áætlunarferðum frá Keflavíkurflugvelli í febrúar.

Sem fyrr segir þá hækkaði hlutfall seldra sæta um borð hjá Icelandair sáralítið í febrúar jafnvel þó helsti keppinautur félagsins sé í mikilli krísu. Það sama var upp á teningnum í janúar en hins vegar voru þotur félagsins þéttsetnari í lok síðasta árs en dæmi er um í seinni tíð. Ástæðan fyrir því að nýtingin batnar ekki meira hjá Icelandair en raun ber vitni kann að vera sú að fargjöld félagsins hafi hækkað. Félagið veitir þó ekki reglulegar upplýsingar um verðþróun öfugt við það sem þekkist hjá SAS og Norwegian, tveimur stærstu flugfélögum Norðurlanda. Þar með fæst ekki úr því skorið hvort skýringin liggur í verðstefnu eða hvort vandræði WOW skili sér ekki að neinu ráði í aukinni sölu hjá Icelandair nú í lok vetrar

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …