Samfélagsmiðlar

Kynnir rannsókn á þætti bókunarfyrirtækja í ferðaþjónustu

Fyrirtæki í ferðageiranum greiða mörg hver umtalsverðan hluta af tekjum sínum í þóknanir til söluaðila. Ný rannsókn með fókus á þessa milliliði og umfang þeirra verður kynnt á föstudag.

Booking.com er eitt þeirra fyrirtækja sem miðla þjónustu íslenskra ferðaþjónustufyrirtækja fyrir þóknun.

Á föstudaginn verða niðurstöður rannsóknar um þátt bókunarfyrirtækja í rekstrarumhverfi ferðaþjónustunnar kynntar. Rannsóknin er unnin af Árna Sverri Hafsteinssyni hjá Rannsóknasetri verslunarinnar og er kynningin haldin í samstarfi Íslenska ferðaklasans og Ferðamálastofu.

„Ferðaþjónustuaðilar á Íslandi, líkt og á heimsvísu, selja stóran hluta afurða sinna í gegnum bókunarþjónustur (e. Online Travel Agencies, OTAs). Viðskiptalíkön ólíkra bókunarþjónusta eru afar áþekk, hvort sem um er að ræða Booking, Expedia, Travelocity eða TripAdvisor. Bókunarþjónustur taka jafnan hluta sölutekna sem þóknun og getur hún verið íþyngjandi fyrir ferðaþjónustufyrirtækið. Í verkefninu er hlutverk bókunarþjónusta skoðað, áhrif þeirra á samkeppnisumhverfi og fjárhagslegt umfang á íslenskum gistimarkaði. Þá er leitað leiða til að bæta það fyrirkomulag sem nú ríkir á markaði fyrir gistiþjónustu,“ segir í tilkynningu frá Íslenska ferðaklasanum.

Kynningin fer fram í hádeginu á föstudaginn í Húsi ferðaklasans, Fiskislóð 10 og eru allir velkomnir. Erindinu verður einnig streymt beint og upptakan aðgengileg á facebooksíðu Ferðamálastofu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …