Samfélagsmiðlar

Kyrrsetja Boeing þoturnar

Enginn komst lífs af þegar flugvél af Ethiopian Airlines hrapaði til jarðar skömmu eftir flugtak í Eþíópíu í gærmorgun. Nú hafa forsvarsmenn flugfélagsins og kínversk stjórnvöld fyrirskipað að þotunum verði ekki flogið í bráð.

Flugvél af tegundinni Boeing 737-MAX8.

Hundrað fimmtíu og sjö farþegar auk áhafnar létu lífið þegar þota á vegum Ethiopian Airlines hrapaði til jarðar í gær. Flugvélin var á leið frá Addis Ababa, höfuðborg Eþíópíu, til Nairobi í Kenía og var af gerðinni Boeing 737 MAX 8. Þetta er annað flugslysis á skömmum tíma þar sem vél af þessari gerð kemur við sögu. Í október fórst þota Lion Air í Indónesíu og um borð voru 189 farþegar auk áhafnar. Báðar flugvélarnar voru nýjar enda voru fyrstu MAX þoturnar teknar í notkun fyrir tæpum tveimur árum síðan.

Í flugflota Ethiopian Airlines eru fjórar aðrar Boeing MAX 8 og hafa stjórnendur flugfélagsins tekið þá ákvörðun að kyrrsetja þær. Kínversk yfirvöld hafa sömuleiðis fyrirskipað þarlendum flugfélögum að hætta allri notkun farþegaþotna af þessari gerð. Í dag eru í notkun 352 Boeing 737 MAX þotur víðs vegar um heim og hátt í þrjú þúsund fleiri hafa verið pantaðar. Í frétt Washington Post er haft eftir bandarískum sérfræðingi að gera megi ráð fyrir að Boeing þurfi að kalla inn allar MAX þotur til skoðunar ef í ljós koma líkindi milli flugslysanna í Eþíópíu í gær og Indóseníu sl. haust.

Icelandair er með þrjár vélar af gerðinni Boeing 737 MAX 8 í notkun. Sex slíkar vélar bætast við flugflotann nú á vormánuðunum. Í gær hafði RÚV það eftir Jens Þórðarsyni, framkvæmdastjóra rekstrarsviðs Icelandair, að félagið fylgist grannt með gangi mála. „Við erum í samstarfi við framleiðanda vélarinnar alla daga og í þessu tilfelli þá er það alltaf Boeing sem myndi leggja fram upplýsingar þegar eitthvað kemur út úr rannsókn slyssins, ef þau telja tilefni til aðgerða,“ sagði Jens.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …