Samfélagsmiðlar

Leigðu flugvél fyrir portúgalska starfsmenn

Úrval Útsýn kemur starfsfólki Betonorte heim um páskana til Portó með beinu leiguflugi.

Sesselja Jörgensen, deildarstjóri Úrvals Útsýnar, Hallur Magnússon, markaðsstjóri Betonorte Island ehf. og Þórunn Reynisdóttir, forstjóri Úrvals Útsýnar.

Hér landi starfa 170 Portúgalar hjá verktakafyrirtækinu Betonorte og þessir starfsmenn eiga rétt á flugi heim yfir páska og aftur um jól og áramót. Flugsamgöngur milli Íslands og Portúgals hafa hins vegar aldrei verið góðar og því hafa Portúgalarnir þurft að millilenda á leiðinni heim til sín.

Nú um páskana verður hins vegar annar háttur á því Úrval-Útsýn hefur leigt flugvél af Icelandair sem mun fljúga með hópinn beint til Portúgal og sækja á ný eftir páskafrí. „Við hjá Úrval Útsýn ákváðum að skoða hvort við gætum ekki komið þeim saman í beinu flugi til Portó þangað sem flestir þeirra eru að fara. Eftir smá vinnu við að skoða möguleikana þá náðum við að leigja flugvél frá Icelandair til að fljúga þetta flug fyrir okkur og við stefnum á að gera þetta aftur næstu jól og áramót,“ segir Þórunn Reynisdóttir, forstjóri Úrval-Útsýnar, i tilkynningu.

Þar segir jafnframt að Betonorte hefur notið þjónustu viðskiptaferða Úrvals-Útsýnar undanfarið ár við að koma starfsmönnum þeirra til og frá Íslandi. „Sú þjónusta hefur verið frábær og sparað okkur tíma, peninga og fyrirhöfn,“ segir Hallur Magnússon, markaðsstjóri Betonorte Island ehf, í tilkynningu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …