Samfélagsmiðlar

Sama framsóknarfólkið í stjórn Isavia

Þingflokkur Framsóknar tilnefnir þau Matthías Imsland og Ingveldi Sæmundsdóttur í stjórn Isavia fyrir aðalfund fyrirtækisins sem fram fer á morgun.

Framsóknarmaðurinn Matthías Imsland er varaformaður stjórnar Isavia. Hann situr jafnframt í stjórn Fríhafnarinnar, dótturfélags Isavia.

Á morgun fer fram aðalfundur Isavia og þá verður ný fimm manna stjórn skipuð af Bjarna Benediktssyni fjármálaráðherra. Í fráfarandi stjórn eiga sæti þrír fulltrúar stjórnarflokkanna þriggja auk eins pírata og fulltrúa Miðflokksins. Líkt og Túristi greindi frá í síðustu viku þá hafa þingflokkar VG, Pírata og Miðflokks ákveðið að tilnefna sömu einstaklinga í stjórn og varastjórn Isavia. Framsókn og Sjálfstæðisflokkur höfðu hins vegar ekki gert upp hug sinn í síðustu viku en flokkarnir tveir hafa átt formann og varaformann stjórnar Isavia.

Þingflokkur Framsóknar hefur nú ákveðið að halda sig við sömu fulltrúa og síðast, þau Matthías Imsland og Ingveldi Sæmundsdóttur, aðstoðarmann Sigurðar Ingi Jóhannssonar samgönguráðherra og formann flokksins. „Við erum með hæfa og reynslumikla fulltrúa í stjórn, með mikla þekkingu á þessu sviði og leggjum ekki til breytingar,“ segir í svari frá Willum Þór Þórssyni, varaformanni þingflokks Framsóknar.

Matthías Imsland hefur síðustu ár verið varaformaður stjórnar Isavia en formaður hennar er Ingimundur Sigurpálsson, fulltrúi Sjálfstæðisflokksins. Ekki liggur fyrir hvort Ingimundur, sem sagði nýverið starfi sínu sem forstjóri Íslandspósts lausu, verður á ný fulltrúi Sjálfstæðisflokksins. Ákvörðun um það verður tekin fyrir aðalfund sagði í svari aðstoðarmanns fjármálaráðherra, til Túrista, í síðustu viku. Engar frekari upplýsingar fást um það val en aðalfundurinn fer fram á morgun klukkan 15 í Þingsal Hótels Natura.

Í ljósi gagnrýni forstjóra Icelandair á skuldsetningu WOW á Keflavíkurflugvelli og meintan samning milli Isavia og WOW, um tryggingar í leiguflugvélum, þá má gera ráð fyrir að umræða á aðalfundinum verði með öðrum hætti en oft áður. En þess ber að geta að fyrrnefndur Matthías Imsland er einn af stofnendum WOW air.

 

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …