Samfélagsmiðlar

Sorglegt segir fyrsti framkvæmdastjóri WOW

Baldur Oddur Baldursson leiddi WOW air í upphafi og var jafnframt einn af stofnendum fyrirtækisins. Hann er hryggur yfir tíðindum dagsins.

Baldur Oddur Baldursson, Matthías Imsland og Skúli Mogensen við stofnun WOW air í nóvember 2011.

„Mér þykir vænt um fyrirtækið og vildi hag þess sem mestan. Það er sorglegt og leiðinlegt hvernig þetta fór,“ segir Baldur Oddur Baldursson, fyrsti framkvæmdastjóri WOW air, í samtali við Túrista. Baldur Oddur var jafnframt einn af stofnendum WOW air ásamt þeim Matthías Imsland, núverandi varaformanni stjórnar Isavia, og Skúla Mogensen. Skúli var í upphafi stjórnarformaður fyrirtækisins en tók við sem forstjóri í lok sumars 2012.

WOW air hóf sölu farmiða 23. nóvember 2011 og þá var sumaráætlun flugfélagsins kynnt. Af því tilefni voru „10 fyrstu sætin á hvern áfangastað seld á sérstöku kynningarverði, 9.900 kr. með sköttum.“ Síðar lækkaði tilboðsverðið hjá WOW, áfangastöðunum fjölgaði og farþegafjöldinn margfaldaðist.

Þau miklu umsvif hafa haft mikil áhrif á íslenska ferðaþjónustu og eftir tíðindi dagsins segist Baldur Oddur hafa áhyggjur af stöðu greinarinnar. „Þetta er mjög slæmt fyrir íslenskan ferðaþjónustu og hagkerfið allt.“

 

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …