Samfélagsmiðlar

Tjón Netgíró vegna WOW verður óverulegt

Til að fá lægsta verðið hjá WOW air þurfti að borga með Netgíró. Framkvæmdastjóri þess segir að fyrirtækið hafi verið vel undirbúið fyrir stöðuna sem nú er uppi.

„Þó nokkur fjöldi hefur leitað til Netgíró vegna málsins og höfum við sett upp sérstaka síðu þar sem mál sem tengjast WOW Air eru skráð,“ segir Helgi Björn Kristinsson, framkvæmdastjóri Netgíró. Fyrirtækið tók við greiðslum frá farþegum WOW air og þeir sem nýttu sér þá leið komust hjá 999 kr. bókunargjaldi WOW air. Hjá flugfélaginu var nefnilega ekki hægt að bóka farmiða á því verði sem auglýst var.

Að sögn Helga tekur nú við að vinna í úrlausn þessara mála og segir hann ljóst að niðurstaða um fjölda og umfang liggi ekki fyrir á næstunni. „Netgíró hefur um nokkurt skeið unnið að undirbúningi þess að staða sem þessi kæmi upp og var fyrirtækið því vel undirbúið að öllu leyti.“ Aðspurður um tjón Netgíró vegna gjaldþrots WOW air þá segir Helgi að það verði óverulegt.

Forsvarsmenn Netgíró voru þó ekki vissir um rétt viðskiptavina sinna síðastliðið sumar. Þá óskaði Túristi eftir upplýsingum um hvort þeir farþegar WOW, sem greitt höfðu með Netgíró, ættu rétt á endurgreiðslu ef rekstur flugfélagsins myndi stöðvast áður en ferð hæfist. Þessi réttur er skýr í tilfelli þeirra sem greiða með greiðslukortum. Í framhaldinu af umfjöllun Túrista þá leituðu stjórnendur Netgíró lögfræðiálits og niðurstaðan var sú að endurgreiðsla væri trygg.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …