Samfélagsmiðlar

Ekki víst að Marriott Edition opni í ár

Stefnt er að því að taka hótelið við Hörpu í notkun undir lok þessa árs. Sú áætlun gæti breyst.

Hörpuhótelið, Marriott Edition, eins og það er kynnt á heimasíðu Carpenter & Company, eigenda byggingarinnar.

Á heimsíðu Marriott Edition segir að útibú hótelkeðjunnar í Reykjavík opni í ár. Það er þó ekki víst að það gangi upp og vígslu þessa fimm stjörnu hótels yrði þá seinkað fram á fyrsta fjórðung næsta árs. Þetta kemur fram í svari fyrirtækisins við fyrirspurn Túrista.

Upphaflega stóð til að taka á móti fyrstu gestunum á Edition hótelinu síðastliðið vor. Fjármögnun byggingarinnar tók hins vegar lengri tíma en ráð var fyrir gert og þar með seinkaði framkvæmdum. Kostnaðaráætlun verkefnisins hljómaði í fyrstu upp á 16 milljarða króna en ljóst er að verkefnið verður mun dýrara sem skýrist meðal annars af styrkingu krónunnar eins og kom fram í viðtali við forsvarsmenn byggingarinnar í Fréttablaðinu síðastliðið vor.

„Enginn í verkefninu er auralaus. Við verðum hins vegar að gaumgæfa fjárhagshliðina og taka skynsamlegar ákvarðanir en ég tel að verkefnið standi fjárhagslega betur en þegar við fórum af stað með það. Það mun kosta meira og verða meira virði. Verð á hótelherbergjum í Reykjavík hefur hækkað meira en sem nemur kostnaði á tímabilinu,“ sagði Richard L. Friedman, forstjóri og aðaleigandi, bandaríska fasteignaþróunarfélagsins Carpenter & Company sem á stærstan hlutinn í byggingunni.

Friedmann bætti því við að forsvarsmenn byggingarinnar myndu jafnframt eiga hótelið sjálft. „Við lítum svo á að hótelið sé í okkar eigu en sé stýrt af Marr­iott samkvæmt samningi næstu 30 árin. Hótelið greiðir okkur ekki fasta leigu heldur fær Marriott Edition hlutfall af tekjum og hagnaði af rekstrinum. Þetta er því ekki leigusamningur,“ sagði Friedman við Fréttablaðið síðastliðið vor.

Editon hótel eru ný keðja í eigu Marriott sem er stærsta hótelfyrirtæki heims með um sjö þúsund hótel. Edition er í dag að finna í tíu borgum og er ráðgert að opna fjögur hótel í viðbót í ár. Þar á meðal hótelið við Hörpu en sem fyrr segir gæti það dregist fram yfir áramót.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …