Samfélagsmiðlar

Hætta í skugga skuldasöfnunnar WOW

Björn Óli Hauksson og Ingimundur Sigurpálsson hafa leitt Isavia síðustu ár en nú hafa þeir ákveðið að láta af störfum. Ekki liggur fyrir hvort ákvarðanir þeirra hafa eitthvað með mikla skuldasöfnun WOW air á Keflavíkurflugvelli að gera.

Björn Óli Hauksson, fráfarandi forstjóri Isavia.

Á aðalfundi Isavia, stuttu fyrir gjaldþrot WOW air, tilkynnti Ingimundur Sigurpálsson að hann hefði ákveðið að draga sig í hlé. Og í gærkvöld barst fréttatilkynning frá Isavia þar sem fram kemur að eftir áratug sem forstjóri ætli Björn Óli Hauksson að láta gott heita. Í tilkynningunni er haft eftir Birni Óla að nú sé að hefjast enn einn kaflinn í sögu Isavia og því telji hann að nú sé góður tími fyrir nýtt fólk taki við keflinu. Það kemur hins vegar ekki fram í tilkynningunni hvaða tímamót í rekstri Isavia það eru sem kalla á þessa ákvörðun Björns Óla.

Það er hins vegar opinbert að WOW air skildi eftir sig verulega skuld á Keflavíkurflugvelli og samkvæmt frétt Morgunblaðsins í morgun þá nam hún um tveimur milljörðum króna í lok febrúar síðastliðinn. Í fréttinni segir einnig að stjórnendur Isavia hafi í september í fyrra gert samkomulag við WOW air um vanskil flugfélagsins sem námu þá um milljarði króna. Samið var um þrettán afborganir sem greiða átti síðustu tvo mánuði síðasta árs og fram í nóvember í ár. WOW stóð í skilum fram í febrúar. Ekki kemur fram í fréttinni hvernig á því stóð að skuld WOW tvöfaldaðist frá því í haust. Hins vegar má gera ráð fyrir því að skýringin sé sú að flugfélagið hafi ekki gert upp farþega- og lendingagjöld í vetur heldur aðeins greitt inn á gömlu skuldina.

Hluti af samkomulagi Isavia og WOW air var að ein af flugvélum félagsins væri á Keflavíkurflugvelli sem trygging fyrir skuldinni. Þegar samkomulagið var gert í haust þá átti WOW air fjórar Airbus flugvélar en hinar þoturnar í flotanum voru leiguvélar. Í árslok seldi WOW hins vegar þoturnar fjórar til Air Canada og þar með var Isavia bara með tryggingu í þotum sem flugfélagið átti ekki. Leigusalar voru þó ekki meðvitaðir um þetta fyrirkomulag samkvæmt frétt Morgunblaðsins en nú hafa stjórnendur Isavia hafa gert kröfu um að eigendur flugvélarinnar TF-GPA, leigufyrirtækið Air Lease Corporation, standi skil á skuld Isavia gegn því kyrrsetningu þotunnar verði aflétt. 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …