Samfélagsmiðlar

Hætta við Tyrklandsferðir frá Íslandi

Ekkert verður af áformum um að bjóða Íslendingum upp á sólarlandaferðir til Bodrum og Marmaris í sumar. Eftirspurnin reyndist ekki nægjanleg.

Frá tyrkneskri sólarströnd.

Stærstu ferðaskrifstofur landsins hafa ekki boðið upp á sólarferðir til Tyrklands síðustu fimm sumur en í ár stóð til að fljúga viðskiptavinum Heimsferða, Úrval-Útsýn og Vita vikulega til Bodrum og Marmaris á vesturströnd Tyrklands. Af því verður hins vegar ekki þar sem eftirspurnin var ekki nægjanleg.

„Það er missir af Tyrklandi því það er yndislegur staður og hótelin engu lík. En eftirspurnin var annarstaðar,“ segir Jakob Ómarsson, markaðsstjóri Vita. Hann bæti því við að búið sé að hafa samband við farþega og láta þau vita af ákvörðuninni og þeim standi til boða aðstoð við að finna aðrar ferðir eða fá endurgreiðslu að fullu.

Þórunn Reynisdóttir, forstjóri Ferðaskrifstofu Íslands, sem Úrval-Útsýn heyrir undir, segir að sömuleiðis að ásóknin í ferðirnar til Tyrklands hafi verið minni en gert var ráð fyrir. „Við höfum í staðinn ákveðið að fjölga ferðum til Tenerife og erum að skoða aukið flug til annarra sólarstaða.“

Líkt og Túristi hefur áður fjallað um þá hefur ferðaþjónusta í Tyrklandi verið að ná fyrra flugi eftir nokkur mögur ár. Ótryggt stjórnmálaástand í landinu og stríðsátök í nágrannalandinu Sýrlandi voru megin ástæður þess að ferðamenn frá Evrópu drógu verulega úr ferðum sínum þangað. Síðastliðið sumar fjölgaði þó ferðafólki á tyrkneskum sólarströndum frá hinum Norðurlöndunum og sérstaklega frá Þýskalandi.

 

Nýtt efni

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …

Kínverski rafbílaframleiðandinn BYD lækkaði verð á bílum sínum á íslenska markaðnum í febrúar s.l. í kjölfar þess að skattaívilnanir til kaupa á nýjum rafbílum féllu niður. Skattafrádrátturinn gat numið allt að 1,3 milljónum króna en nú fæst 900 þúsund króna styrkur frá Orkusjóði í staðinn. Með lægra verði frá Kína gat Vatt, sem er með …

Langvarandi deilur írska lággjaldaflugfélagsins Ryanair við ítölsk yfirvöld halda áfram. Nú hafa samkeppnisyfirvöld á Ítalíu (AGCM) fyrirskipað Ryanair að aflétta hindrunum á því að ferðaskrifstofur selji flugmiða í ferðir félagsins. AGCM hóf í september síðastliðinn rannsókn á meintri misnotkun félagsins á markaðsráðandi stöðu. Ryanair er umsvifamesta flugfélagið á ítalska ferðamarkaðnum, með um 34 prósenta hlutdeild, …

Play gaf það út í síðasta mánuði að ónefndur hópur meðal stærstu hluthafa flugfélagsins auk annarra fjárfesta hefði skuldbundið sig til að leggja félaginu til 4,5 milljarða króna. Tveir af þeim fjórum lífeyrissjóðum sem eru á lista yfir stærstu hluthafanna sögðust ætla að taka þátt. Rökin fyrir forstjóraskiptunum um síðustu mánaðamót svo þau að Einar …

Lofthelgin yfir Ísrael, Líbanon, Jórdaníu og Írak var lokað á laugardagskvöld eða flug þar um háð miklum takmörkunum. Þetta hafði auðvitað mest áhrif á flug innan svæðisins en líka á yfirflug véla á milli heimsálfa. Í gær var tímabundnum takmörkunum aflétt þegar árásum Írana á skotmörk í Ísrael linnti.  Flugöryggisstofnun Evrópu (The European Union Aviation …

Stjórnendur flugfélagsins Westjet sóttu um lendingartíma á Keflavíkurflugvelli fyrir sumarvertíðina 2020 og þá var ætlunin að fljúga hingað fjórum sinnum í viku frá Toronto, fjölmennustu borg Kanada. Sala á flugmiðum fór þó aldrei í loftið og áður Covid-faraldurinn hófst í ársbyrjun 2020 hafði Westjet gefið út að ekkert yrði að Íslandsfluginu. Stuttu síðar lokuðust landamæri …

Umhverfisstofnun er farin að fikra sig áfram með álagsstýringu á ferðamannastöðum. „Við erum að setja af stað pöntunarkerfi í Landmannalaugum i sumar,“ sagði Inga Dóra Hrólfsdóttir, sviðsstjóri sviðs náttúruverndar hjá Umhverfisstofnun, á ársfundi náttúruverndarnefnda nýverið. „Þetta er mjög einföld aðferð,“ sagði Inga Dóra: Ef þú kemur akandi þarftu að bóka stæði og borga fyrir það. …

Stjórnendur rafbílaframleiðandans Tesla leita nú leiða til að draga úr kostnaði og horfa þeir til þess að segja upp 14 þúsund starfsmönnum eða um 10 prósent af vinnuaflinu. Þetta kemur fram í tölvupósti sem forstjóri félagsins, Elon Musk, sendi til starfsfólks samkvæmt frétt sem fagritið Electrek birti í morgun. „Ég hata ekkert meira en þetta …