Samfélagsmiðlar

Yrði ekki skynsamlegt fyrir Icelandair

Stjórnendur Icelandair boða aukið flug til suðurhluta Evrópu. Forstjóri Úrval-Útsýnar segist fagna því en aðeins ef um er að ræða leiguflug.

tenerife flugvollur sighvatur ottarr

Mynd frá árinu 2016 sem sýnir flugvélar WOW, Primera Air og Icelandair við flugstöðina á Tenerife.

Ásókn Íslendinga í sólarlandaferðir til Tenerife og Kanarí hefur stóraukist síðustu ár og þangað flugu þotur WOW air nokkrar ferðir í viku hverri. Auk þess bjóða stærstu ferðaskrifstofur landsins upp á ferðir til eyjanna og lengi vel var Primera Air einnig með reglulegar brottfarir á vinsælustu sólarstaðina. Icelandair hefur flogið farþegum ferðaskrifstofanna til Kanarí og Alicante en flugfélagið hefur ekki sjálft selt miðana til neytenda á heimasíðu sinni.

Á því kann að verða breyting á næstunni því í tilkynningu sem Icelandair sendi frá sér í gær segir að í byrjun næsta árs sé ætlunin á að auka flug til Suður-Evrópu í þotum með einu farrými. Aðspurð um nánari útskýringar á þessu þá segir Ásdís Ýr Pétursdóttir, upplýsingafulltrúi Icelandair, að ekki hafi verið tekin ákvörðun um hvort ferðirnar verði eingögnu seldar sem leiguflug, í gegnum ferðaskrifstofur, eða líka hjá flugfélaginu sjálfu.

Úrval-Útsýn flýgur meðal annars farþegum sínum til Spánar með Icelandair og Þórunni Reynisdóttur, forstjóra ferðaskrifstofunnar, líst ekki á áætlunarferðir flugfélagsins til þessara vinsælu sólarstaða. „Ég tel það ekki skynsamlegt hjá Icelandair að fara út í áætlunarflug til Alicante, Kanarí og Tenerife. Fókusinn hjá þeim ætti frekar að vera á flug fyrir ferðamenn á leið til Íslands. Íslensk ferðaþjónusta og efnahagslíf þarf á því að halda núna. Frá Kanaríeyjum eða Alicante koma engir ferðamenn til Íslands því þetta eru flugleiðir sem aðeins Íslendingar nýta sér og við höfum átt mjög gott samstarf við Icelandair með að bjóða upp á flugið þeirra í okkar ferðum til þessara staða. Við myndum hins vegar fagna auknu leiguflugi með Icelandair til Suður-Evrópu enda höfum við keypt mikið af flugsætum hjá félaginu fyrir viðskiptavini okkar í gegnum tíðina.“

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …