Samfélagsmiðlar

Auglýsa eftir nýjum forstjóra Isavia

Aðeins stjórnendur með víðtæka og farsæla reynslu koma til greina í forstjórastól Isavia.

Eftir að hafa leitt Isavia í áratug hefur Björn Óli Hauksson ákveðið að láta gott heita líkt og fram kom í tilkynningu sem send var fjölmiðlum kvöldið fyrir skírdag. Í dag auglýsir Isavia svo eftir eftirmanni Björns Óla og gert er ráð fyrir að viðkomandi hafi háskólamenntun, víðtæka og farsæla reynslu af stjórnun auk framúrskarandi hæfni í mannlegum samskiptum og reynslu af alþjóðasamstarfi.

Í auglýsingunni segir að nýr forstjóri muni vinna að frekari uppbyggingu á starfsemi fyrirtækisins og hafa yfirumsjón með daglegum rekstri fyrirtækisins. Viðkomandi á jafnframt sífellt að leita leiða til að þróa ný tækifæri og að styrkja reksturinn með langtímahagsmuni Isavia að leiðarljósi. Umsóknarfrestur er til mánudagsins 13. maí næstkomandi.

Það er Bjarni Benediktsson, fjármálaráðherra, sem fer með hlut ríkisins í Isavia en stjórn þess opinbera fyrirtækis er skipuð fulltrúum stjórnarflokkanna þriggja auk fulltrúa Pírata og Miðflokksins. Gera má ráð fyrir að þessi hópur komi að ráðningu nýs forstjóra.

Á aðalfundi fyrirtækisins í lok mars lét Ingimundur Sigurpálsson, fráfarandi forstjóri Íslandspósts, af embætti stjórnarformanns og við tók Orri Hauksson, forstjóri Símans.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …