Samfélagsmiðlar

easyJet sker niður Íslandsflug

Minnkandi eftirspurn eftir Íslandsferðum skrifast á hátt verðlag að mati stjórnenda easyJet sem hafa dregið úr flugi til Keflavíkurflugvallar þrátt fyrir gjaldþrot WOW air. Á móti kemur að bæði British Airways og Wizz Air munu fjölga ferðum hingað frá London í vetur.

Um borð í þotu easyJet.

Það var í mars árið 2012 sem breska lággjaldaflugfélagið easyJet hóf að fljúga til Íslands. Fyrst frá Luton, nærri London, en fljótlega bættust við ferðir frá fleiri breskum flugvöllum og eins frá svissnesku borgunum Basel og Genf. Með þessu stóraukna framboði á Íslandsflugi, á vegum stærsta lággjaldaflugfélags Bretlands, þá fjölgaði bresku ferðafólki hér á landi hratt og ferðamynstrið breyttist umtalsvert. Bretar sækja nú miklu frekar í vetrardvöl og til að mynda komu hingað fleiri Bretar í febrúar í fyrra en samanlagt yfir sumarmánuðina þrjá.

Undanfarið hefur easyJet hins vegar verið að draga úr flugi til Keflavíkurflugvelli og sú þróun mun halda áfram jafnvel þó WOW air sé nú farið af markaðnum. „Við höfum dregið úr framboði vegna minnkandi eftirspurnar sem skrifast á hækkandi verðlag á Íslandi,“ segir Andy Cockburn, talsmaður easyJet, um ástæður samdráttarins sem sjá má í núverandi flugáætlun félagsins. Hann bætir því við að Ísland sé enn vinsæll áfangastaður hjá viðskiptavinunum easyJet en félagið einbeiti sér að flugleiðum þar sem eftirspurnin er mest.

Til marks um samdráttinn sem nú verður hjá easyJet þá fækkar áætlunarferðum félagsins í janúar um 17 prósent og um tíund í febrúar samkvæmt talningu Túrista. Samtals rétt rúmlega fimmtíu ferðir samtals þessa tvo mánuði. Munar mestu um að félagið ætlar ekki að fljúga hingað frá London Stansted og til viðbótar er ekki hægt að bóka neitt flug til Íslands í vetur með easyJet frá Basel eða Genf.  Þær flugleiðir bætast þó stundum við leiðakerfi easyJet með litlum fyrirvara eins og Túristi hefur greint frá í gegnum tíðina.

Það sem vegur upp á móti niðurskurðinum í Bretlandsflugi easyJet og brotthvarfi WOW air eru tíðari ferðir frá London á vegum Wizz Air og British Airways. Þotur þess fyrrnefnda munu fljúga daglega hingað frá Luton flugvelli en áform um svo tíðar ferðir gengu ekki eftir í fyrra þar sem afkoma af flugleiðinni var ekki nægjanlega góð. Stjórnendur British Airways sjá einnig tækifæri í auknu flugi hingað miðað við þann fjölda ferða sem nú er hægt að bóka á heimasíðu félagsins til Íslands frá bæði Heathrow og London City flugvelli. En eins og fram hefur komið í viðtölum Túrista við forsvarsmenn British Airways þá hafa tengifarþegar frá Asíu verið stór hluti af þeim sem nýtt hafa sér Íslandsflug félagsins og flóra farþega um borð því líklega fjölbreyttari en í ferðum easyJet og Wizz air til Íslands.

Síðustu tvo vetur hefur easyJet verið umsvifameira í Lundúnarflugi en Icelandair þegar litið er til fjölda ferða. Samdrátturinn hjá breska félaginu verður hins vegar til þess að Icelandair er ný það flugfélag sem er með flestar ferðir héðan til London. Núverandi flugáætlun félagsins gerir hins vegar ekki ráð fyrir fleiri ferðum en í fyrra enda eru öll lendingaleyfi uppseld á Heathrow og lítið hægt að bæta í á Gatwick flugvelli. Til marks um það þá gat WOW air komið lendingaleyfum sínum á Gatwick í verð til að bæta fjárhagsstöðu sína. Það ber líka að hafa í huga að íslensku flugfélögin hafa verið með mjög hátt hlutfall tengifarþega um borð á meðan nær eingöngu ferðamenn á leið til Íslands sitja í vélum erlendu flugfélaganna.

Þess má geta að tvær breskar ferðaskrifstofur, Jet2holidays og Thomson, bjóða upp á vetrarferðir til Íslands og lenda þotur félaganna á Keflavíkurflugvelli í viku hverri yfir háveturinn. Því til viðbótar heldur Akureyrarflug bresku ferðaskrifstofunnar Super Break áfram í vetur.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …