Samfélagsmiðlar

Engin áform um aukið Íslandsflug í vetur

Stjórnendur stærstu flugfélagasamsteypu Evrópu sjá ekki tækifæri í að fjölga ferðunum til Keflavíkurflugvallar.

Innan Lufthansa Group eru fimm alþjóðleg flugfélög auk nokkurra minni félaga.

Flugfélögin innan Lufthansa Group flugu í fyrra með rúmlega 142 milljónir farþega og telst fyrirtækið vera það umsvifamesta í Evrópu þegar kemur að flugsamgöngum. Auk þýska flugfélagsins Lufthansa þá eru Austrian Airlines, SWISS, Eurowings og Brussel Airlines hluti að samsteypunni og því til viðbótar rekur fyrirtækið leiguflugfélög og áætlunarfélög innan Evrópu.

Þrátt fyrir stærðina og sífellt tíðari ferðir til skandinavískra áfangastaða þá fljúga þotur Lufthansa og dótturfélaga þess ekki oft hingað til lands. Lufthansa sjálft býður upp á sumarflug hingað frá bæði Frankfurt og Munchen og því til viðbótar er hægt að fljúga með Austrian Airlines hingað frá Vínarborg og með Eurowings frá Köln og Hamborg yfir hásumarið. Á veturna takmarkast flugið hins vegar við þrjár ferðir í viku með Lufthansa til Frankfurt og síðustu ár hefur félagið verið í samkeppni við bæði Icelandair og WOW air á þeirri flugleið.

Þotur íslensku félaganna flugu allt að daglega til þýsku borgarinnar síðastliðinn vetur og þrátt fyrir það skarð sem WOW air skilur nú eftir sig á markaðnum þá sjá stjórnendur Lufthansa ekki tækifæri í að fjölga ferðunum hingað. Í svari við fyrirspurn Túrista segir Boris Ogursky, talsmaður félagsins, að á komandi vetri verði haldið áfram að fljúga þrisvar í viku til Íslands frá Frankfurt og á þessu stigi séu ekki ráðgerðar neinar breytingar á þeirri áætlun. Varðandi sumarið þá segir Ogursky að Lufthansa munu mögulega nýta stærri gerðina af Airbus A320 þotum í flugið til Íslands þá daga sem eftirspurnin standi undir þess háttar breytingum.

Sem fyrr segir er Lufthansa mjög umsvifamikið í fólksflutningum innan Evrópu en einnig til og frá álfunni. Farþegarnir sem fljúga með félaginu hingað til lands koma því víða að líkt og fram hefur komið í viðtölum Túrista við forsvarsmenn félagsins. Þannig sýndi tölfræði félagsins að Þjóðverjar fylla tæplega þrjú af hverjum tíu sætum í Íslandsflugi Lufthansa. Ítalír, Ísraelar, Frakkar og Kínverjar eru einnig fjölmennir um borð og þá voru Íslendingar um 8 af hverjum 100 farþegum.

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …