Ná aukalega um helmingi af þeim fjölda sem flaug með WOW

Undanfarin ár hefur megináherslan hjá Icelandair verið á farþega á leið milli Evrópu og Norður-Ameríku og þar var líka fókusinn hjá WOW air. Þetta varð til þess að tengifarþegar skipuðu meira en helming sætanna í þotum félaganna tveggja. Eftir gjaldþrot helsta keppinautarins hafa stjórnendur Icelandair sett farþega á leið til og frá Íslandi í forgang. Þetta hafa þeir meðal annars gert með fjölgun brottfarartíma og verðlagningu, t.d. með því að taka ekki eins virkan þátt í verðstríðinu í flugi yfir Atlantshafið.

Þessi stefnubreyting, ásamt falli WOW air auðvitað, hefur orðið til þess að í dag eiga þrjátíu prósent fleiri bókað far með félaginu til Íslands í sumar en á sama tíma í fyrra. Þetta kemur fram í tilkynningu frá sem félagið sendi frá sér í gær.

Þar kemur ekki fram hversu mörg sæti þetta eru en miðað við farþegatölur Icelandair og WOW air síðastliðið sumar þá má gera ráð fyrir að Icelandair hafi flutt á bilinu 270 til 290 þúsund ferðamenn til landsins í júní, júlí og ágúst í fyrra. Á því tímabili hafa komið hingað 180 til 200 þúsund ferðamenn með WOW air en alls fóru 804 þúsund erlendir ferðamenn um Keflavíkurflugvöll yfir sumarið. Hlutdeild íslensku flugfélaganna hefur þá verið samanlögð rétt um sextíu prósent.

Að því gefnu að nú þegar hafi bókað far rúmur helmingur þeirra erlendu ferðamanna sem fljúga munu með Icelandair í sumar þá þýðir það viðbótar sölu upp á 45 til 55 þúsund sæti. Það er um fjórðungur af fjöldanum sem WOW air flutti hingað sl. sumar. Miðað við sama takt í bókunum á flugi til Íslands, á kostnað tengifarþega, þá gæti Icelandair brúað allt að helming að því skarði sem WOW skildi eftir sig í sumar þegar horft er til erlendra ferðamanna.

Eins ber að hafa í huga að þó taldir hafi verið 804 þúsund erlendir ferðamenn á Keflavíkurflugvelli í sumar þá voru þeir nokkru færri. Lætur nærri að einn af hverjum sjö hafi verið ranglega meðtalinn því þetta voru annað hvort útlendingar búsettir á Íslandi eða svokallaðir sjálftengifarþegar. Þessi skekkja mun væntanlega dragast saman í sumar og ferðamannatalningin á Keflavíkurflugvelli því verða nær raunverulegu tölunni en hún hefur verið síðustu ár.

Þessu til viðbótar má nefna að hlutfall ferðamanna í þotum Icelandair er í raun hærra en félagið hefur gefið upp í gegnum tíðina. Það var nefnilega í fyrsta sinn nú í ársbyrjun sem það kom fram í uppgjöri félagsins að fjórði hver tengifarþega félagsins ferðaðist á svokölluðu „stop-over“ fargjaldi. Þeir sem það gera dvelja á landinu á milli flugferða og eru því ekki hefðbundnir tengifarþegar. Ef hlutfallið hefur verið þetta hátt sl. sumar þá hefur Icelandair í raun vantalið erlendu ferðamennina um borð í vélum félagsins um 40 til 50 þúsund á því tímabili. Þessi hópur dregst væntanlega saman í sumar í ljósi fyrrnefndra áherslubreytinga en vanmatið er þó áfram umtalsvert.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira

Útlit fyrir mikla umferð um páska

Búist er við mikilli umferð um Keflavíkurflugvöll um páskana og líklegt að þeir sem koma akandi á eigin bíl þurfi að gefa sér góðan tíma til að finna stæði. Isavia bendir farþegum á að hægt er að tryggja sér bílastæði á betri kjörum með því að bóka stæði á netinu tímanlega fyrir brottför. Bókunarkerfið fyrir bílastæði … Lesa meira

Fólk setur ferðalög í forgang

Forstjórar þriggja af stærstu flugfélögum Evrópu eru sammála um að eftirspurnin eftir flugferðum sé mikil þessi misserin. Þetta kom fram á blaðamannafundi hagmunasamtakanna Airlines4Europe í Brussel fyrr í dag. Skráðu þig inn til að lesa Þessi grein er aðeins aðgengileg áskrifendum. Smelltu hér til að kanna áskriftarleiðir. Netfang Lykilorð Muna mig Gleymt lykilorð

Taka upp þráðinn í samkeppninni við Play

Af flugáætlunum Icelandair og Play að dæma þá sjá stjórnendur félaganna mörg tækifæri í höfuðborg Bandaríkjanna, Washington. Þeim dugar nefnilega ekki að halda úti ferðum til eins flugvallar á bandaríska höfuðborgarsvæðinu heldur verða þeir að vera tveir. Skráðu þig inn til að lesa Þessi grein er aðeins aðgengileg áskrifendum. Smelltu hér til að kanna áskriftarleiðir. … Lesa meira

Endurgreiða þeim sem áttu bókað

Nú liggur ljóst fyrir að ekkert millilandaflug verður í boði frá Egilsstöðum í sumar því hið þýska Condor hefur hætt við ferðir sínar þangað frá Frankfurt en fyrsta brottför var á dagskrá í maí. Það sama gildir um áform félagsins um að halda úti vikulegu flugi til Akureyrar. Frá þessu var greint í gær og … Lesa meira