Samfélagsmiðlar

Ódýrustu flugmiðarnir í lok mánaðar

Ef þú gætir hugsað þér að nýta fríið á uppstigningardag til að fljúga út í heim þá eru þetta ódýrustu flugmiðarnir sem í boði eru í dag.

London Piccadilly Julian LoveLondon and Partners

Frá Piccadilly Circus í London.

Uppstigningardagur er almennur frídagur og í ár er hann fimmtudaginn 30. maí næstkomandi. Og þeir sem geta hugsað sér að nýta þennan almenna frídag til ferðalaga út í heim hafa úr töluverðu að moða því dagskrá Keflavíkurflugvallar þennan síðasta fimmtudag mánaðarins gerir ráð fyrir brottförum til hátt í fjörutíu borga. Farmiðarnir kosta auðvita mis mikið og í mörgum tilfellum þá er mun ódýrara að fljúga heima á mánudeginum í stað sunnudagsins ef helgarferð er eini möguleikinn.

Samkvæmt athugun Túrista er ódýrasta helgarflugið í lok mánaðar á rétt um 18 þúsund krónur ef flogið er til London með Wizz air og heim með easyJet á sunnudagsmorgun. Næst ódýrustu farmiðarnir kosta nokkru meira því borga þarf um 30 þúsund kr. fyrir flug til Bergen og Stokkhólms með Icelandair og farið með easyJet til Edinborgar er á það sama. Fyrir um 40 þúsund kr. fást sæti í þotum Icelandair til Amsterdam og Parísar en Transavia býður þrjú þúsund króna lægri farmiða til frönsku höfuðborgarinnar.

Farmiðarnir til Bandaríkjanna og Kanada kosta í öllum tilvikum meira enda ferðalagið lengra en til Evrópu. Með Delta má fljúga til New York fyrir 60 þúsund kr. og fyrir sömu upphæð með Icelandair til Bostong og svo þarf að bæta 3 þúsund krónum við til að komast til Washington borgar.

 

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …