Samfélagsmiðlar

Unnið að sameiningu rútufyrirtækja

Í sumarbyrjun er stefnt að því að sameina hluta af af starfsemi Hópbíla við Gray Line.

airportexpress

Eigendur ferðaþjónustufyrirtækjanna Gray Line og Hópbíla skoða þessa dagana möguleika á samstarfi samkvæmt heimildum Túrista.  Viðræðurnar munu vera á viðkvæmu stigi en stefnt er að því að klára þær nú í sumarbyrjun þegar háannatími í ferðaþjónustunni hefst. Unnið mun vera út frá því að rekstur Reykjavík Sightseeing, sem eru í eigu Hópbíla, og Gray Line verði sameinaður en rútufyrirtækin tvö eiga til að mynda í harðri samkeppni í sætaferðum til og frá Keflavíkurflugvelli.

Ef af verður mun hið sameinaða fyrirtæki þó ekki verða stærra en Kynnisferðir sem er í dag umsvifamesta rútufyrirtæki landsins og rekur til að mynda Flugrútuna í samkeppni við Hópbíla/Reykjavik Sightseeing og Gray Line. Í kjölfar útboðs Isavia á rútustæðunum fyrir framan Flugstöð Leifs Eiríkssonar þá þurfa Kynnisferðir og Reykjavík Sightseeing samanlagt að greiða Isavia að lágmarki rúmar 300 milljónir á ári fyrir einkanot á bílastæðunum.

Þegar útboðið fór fram, sumarið 2017, voru rekstrarerfiðleikar WOW ekki opinberir en flugfélagið var þó komið í vanskil við Isavia stuttu síðar samkvæmt því sem nú er komið fram. Hvað sem því líður og þeirri staðreynd að nú fækkar erlendu ferðafólki eftir fall WOW þá eru Kynnisferðir og Hópbílar skuldbundin til að greiða Isavia fyrrnefnda lágmarksleigu. Gray Line nýtir hins vegar bílastæði aðeins fjær flugstöðinni fyrir sínar sætaferðir. Gjaldtaka Keflavíkurflugvallar á því svæði er hins vegar umfjöllunar hjá Samkeppniseftirlitinu eftir kæru Gray Line.

Kynnisferðir, Gray Line og Hópbílar eru öll að stórum hlut í eigu fjárfestingasjóða sem tengjast viðskiptabönkunum þremur. Þannig fjárfestu Íslandssjóðir, sem eru í eigu Íslandsbanka, í 49 prósent hlut í Gray Line árið 2015 og ári síðar keypti framtakssjóður á vegum Landsbréfa, dótturfélags Landsbankans, allt hlutafé Hópbíla. Fjárfestingasjóður á vegum Stefnis, dótturfélags Arion banka, hefur farið með 35 prósent hlut í Kynnisferðum í nærri fjögur ár.

Túristi hefur óskað eftir viðbrögðum við sameiningaráformunum frá stjórnendum Gray Line og Hópbíla en ekki fengið.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …